De schadt-kiste der philosophen ende poeten
(1621)–Jan Thieullier–
Auteursrechtvrij
[pagina 92]
| |
Refereyn.
ALs ick wel ondersoeck der Philosophen leuen,
Haer cloeck en groot verstandt ende subtijlen geest,
Dat sy door de natuer soo veel hebben beschreuen,
D'welck ons eeuwelijck sal genoech te kennen geuen,
Ga naar margenoot+ Der deuchden reyn manier t'geen dat som presen meest,
Socrates en heeft de doot geensins gevreest,
Als hy den beker heeft al met fenijn gecreghen,
Maer heeft seer wel gekent t'geen dat wy mercken eest,
Dat voor de sielen sijn voor al bereyt twee weghen,
D'een voor die suyuer leeft, daer aen is veel geleghen,
Den tweeden wech die is voor die oncuyssche quaet,
Die in haer lichaem hier naer lust te leuen pleghen,
En comen t'geender tijt al inder Goden raet,
Die onder de menschen soo suyuer leuen van staet,
Die comen by de Goon, daer druck is nimmermeer,
Soo mach ick segghen wel teghen die sulcx versmaet,
Dit siet ghy in haer leer vol deuchts weert alder eer.
SEneca die maeckt twee deelen vande deucht,
Ga naar margenoot+ D'eerst is de leering goet en d'oeffeninge bloot,
Seydt dat ghy hebt geleert meest aende jonge jeucht,
Bewijset met de wercken, thoont dat ghy jet vermeucht,
O costelijcke leer der Philosophen groot,
Ga naar margenoot+ Antiphones die leert het geen dat is wel noot,
Sijde ghy sterffelijck, peynst verganckelijcke dinghen,
Pindarus die seydt, Peynst altijt om de doot,
Soo sal elck mensche wel sijn passien bedwinghen,
Een heerelijcke leer tot sijnen loff te singhen,
Ga naar margenoot+ Dat Seneca oock leert voor ons een saeck loffbaer,
Ick mete en hermeet in alles sonderlinghen,
Ick en verborghe niet tegens my seluen, maer
Mijn selfs ick ondersoeck, oft jet my viel te swaer,
Dat my namaels sou doen der Goden een afkeer,
Die dan dees reden goet belieft, te volghen naer,
Dit siet ghy in haer leer vol deuchts weert alder eer.
| |
[pagina 93]
| |
Ga naar margenoot+ SEneca die seyt, Spreckt jemant quaet van my,
Dat en sal doch voor my namaels gheen schult oock wesen,
Sulcke doet dat hy wil, het segghen staet hem vry,
Ick treck my dat niet aen, k'acht niet wie dat het sy,
Sulcke sijn seluer quaet, niet weerdich eens gepresen,
Ga naar margenoot+ Socrates wert geuraecht dees reden uytgelesen,
Wie altijt leefden soo heel sonder passien hier,
Gaff een antwoort goet oock wederom tot desen,
Die voelt geen schult in hem in t'minste niet een sier,
Ga naar margenoot+ Plato die leert oock me, als jemant goedertier
Leeft in voorspoet seer groot, nijdicheyt sal hem steken,
Ga naar margenoot+ Tusicides die seyt, dat is een quaey manier,
Dat de menschen soo vallen in dees gebreken,
Die van niet coemt tot staet, die is dan niet om spreken,
Hoouerdy volcht hem naer, hy houdt hem als een heer,
Dit is gheen wonder, noch t'is niet al wech gestreken,
Dit siet ghy in haer leer vol deuchts weert alder eer.
| |
Prince.OP Delphis tempel stont voor alle man ten thoon
Ga naar margenoot+ Dit woort, V seluen kendt, wel weert om groot te achten,
Chilo die seyt daer by dees redenen seer schoon,
T'was antwoort toen ter tijt t'Orakel was gewoon,
Al van Apol doen die naer de waerheyt trachten,
Macrobius die verhaelt van eenen groot van machten,
Al door wat wech dat hy tot de Goden comen sou,
Creech antwoort doen voor al, d'welck niet is te verachten,
Is dat g'u seluen kendt een goede leer getrou,
Als een van Phaenisen jemant uytschilderen wou,
Principael den mensch schilderden sy heel ront,
In een serpents gedaent, wie t'was man ofte vrou,
Treckende sijnen steert heel fortsich met den mont,
Geuende te verstaen t'geen dat geschreuen stont,
Kent v seluen dan al sijdy cloeck oft teer,
Soo seg' ick tot haer loff, en hou my aen t'verbont,
Dit siet ghy in haer leer vol deuchts weert alder eer.
In Liefde Groeyende. |
|