Devote oeffeninghe op de vijf lettere van de soete ende alderheylichste namen Iesus ende Maria

[p. XIII]

Nota.

Syt ghedachtich Catholijcken tot aller stondt,
V te seghenen voor’t voor-hooft, borst ende mondt,
Met het teecken des H. Cruyces, minst en meest,
Inden naem des Vaders, des Soons ende des H. Geest.
Voor quade ghedachten, woorden ende oock wercken,
Bid die H. Drievuldigheydt, om u verstercken.
Wilt vvacker sijn tot deught, in dit onseecker leven:
Op dat ons Godt de Heer, den Hemel weer wil gheven.

Amen.