A facie Domini mota est terra: à facie Dei Iacob.
Qui convertit petram in stagna aquarum: & rupem in fontes aquarum.
Non nobis Domine, non nobis: sed nomini tuo da gloriam.
Super misericordia tua, & veritate tua: ne quando dicant gentes, Ubi est Deus eorum?
Deus autem noster in coelo: omnia quecumque voluit, fecit.
Simulacra gentium, argentum & autum: opera manuum hominum.
Os habent, & non loquentur: oculos habent, & non videbunt.
Aures habent, & non audient: nares habent, & non odorabunt.
Manus habent, & non palpabunt, pedes habent, & non ambulabunt: non clamabunt in gutture suo.
Similes illis fiant qui faciunt ea: & omnes qui confidunt in eis.
Domus Israel speravit in Domino: adiutor eorum, & protector eorum est.
Auteursrechtvrij