Devote oeffeninghe op de vijf lettere van de soete ende alderheylichste namen Iesus ende Maria

[p. 340]

Vande Maghet Maria.

Stem: Den tijdt is hier datmen sal vrolijck &c.

1. Groetse allegaer, die Maghet uyt Iesse ghesprooten
Die bloem eerbaer // suyverlijck van coleur,
Met gratie claer, menichvuldich over-gooten,
Sy is voorwaer // die Maghden eenen fleur
Als balsem en caneel // soo gheeft sy soeten geur,
Sy is een bloem der bloemen goet,
Haer naem is om te noemen soet,
O claer Fonteyn, bidt voor ons alghemeyn.

2. Schoon van cieraet // zijt ghy schoon bloem ghepresen,
Lieffelijck ghy staet, in des Konincx prieel,

[p. 341]

 

Al u ghewaet // is Hemels uytghelesen,

 

Seer delicaet // is u schoonheydt gheheel,

 

Boven Magdalena hebt ghy het beste deel,

 

O reyne Maeght der Maeghden fier,

 

Die Godt sonderlingh behaeghden hier,

 

Maeghdelijck greyn, bidt voor ons al-ghemeyn.

 

 

 

3. Hoogh inden troon, zijt ghy schoon bloem verheven

 

By uwen Soon, regneert ghy triumphant,

 

Die is u loon // eeuwigh met hem te leven

 

In vreuchden schoon, aen sijne rechter handt,

 

Boven die Enghelen, is uwen stoel gheplant,

 

Ghy zijt zeer wonderlijck verciert,

[p. 342]

 

V Feeste Arm en Rijcke viert,

 

In dit aerdtsche pleyn, bidt voor ons al ghemeyn.

 

O Lelie net, ghy zijt suyver en puere,

 

Geheel sonder smet, Roose van Iericho,

 

Schoon violet, u leven is een figure

 

Tot een Spiegel geset ô Maria Virgo,

 

Tot u soo roepen wy kinderen van Eva,

 

Weerdighe Princesse fijn,

 

Wilt onse voor-spraker zijn,

 

Want wy zijn cleyn, bidt voor ons al ghemeyn.