De III. Bloetstortinghe Christi, in zijn Ghevanckenisse.
Ick dancke u, Heere Iesu Christe, voor dat uytghestorte heylich Bloedt, dat ghy om mijnen t’wille vergoten hebt, als die bloet-gierige Ioden ende wreede soldaten u vingen, bonden, sleypten, ruckten, sloeghen, soo dat u H. Bloet over u gebenedijde aensicht was afloopende. Ick bidde u lieve Heere, ontslaedt mijn van alle banden der sonden, ende vande macht des boose vyandts. Wilt doch dat dierbaer bloedt laten dalen op mijn, op alle mijne ouders, ende vrienden, op alle gheloovighe zielen die noch inde pijne des Vageviers zijn, dat bidde ick u, o aldergoedertierenste Iesu, die met den Vader ende den H. Geest, leeft ende regneert een waerachtich God, inder eeuwicheyt der eeuwicheden, Amen.
Onsen Vader, &c. Weest ghegroet, &c.
Auteursrechtvrij