Refereinenbundel, Anno 1524

Reffereijne CCXLVIII
Loff aldersuetste roose voer god bloeyende

Ghegruet sijt sterre daer wylen af seije
Die propheet Balaam in sijn prophecije
Ghegruet sijt reijne onbesmette acoleije
daer hemel en erden hem in verblijen
Ghegruet sijt lelije vol melodijen
die ons doet lijen die helsche consistorie ⁶
Ghegruet sijt kersouwe die in alle tije
Al sonder vermijen
hout in memorien

6 na helsche is consitorie doorgehaald.

[p. 225]

10

Ghegruet sijt violette reijn goeds cijborie

 

Ombesmette ijuorie

 

vol duechden groijende

 

Ic roep op v schoon inghelijke glorie

 

lof aldersuetste roose voer god bloijende

 

 

15

Lof annunciacie lof gabriels gruete

 

lof aue gracia lof godlijck woort

 

Lof dijn antworde was wel soe suete

 

⁺ecce ancilla domini / lof onser alder confoort

 

Gheen beter salutacie en was ghehoort

20

Voor smenschen accoort

 

reyn maghet schone

 

Lof ootmoedighe goods moeder ons nu aenhoort

 

En helpt ons voort

 

ten ewighen loone

25

Lof gloriose fonteijne die spant goods crone

 

Reyn maghet schone

 

vol duechden vloeyende

 

Wy roepen ghemeenlick in onsen thone

 

lof aldersuetste rose voer god bloeyende

 

 

30

Lof Sterre der zee altoos tonswaert spoedich

 

Lof targe voer die helsche consistacie

 

Lof Fonteyne de ewich syt vloyendich

 

Lof alder inghelen choor inder hoochste iubilacie

 

Lof Alder zielen troost lof onse gracie

35

Lof Suete nacie

 

Lof ghy hebt veriaecht sduuels cracht

 

Lof Daer alle doctoren of nemen fundacie

 

Lof Sonder blamacie

 

Lof hebdj volbracht

40

Lof Die de coninck der glorien ter werelt bracht

 

Lof Suete dracht

 

Lof die de duuels syt bescroyende ^30-42

 

Daer om laet ons roepen ouer dach en nacht

 

⁺Lof alder suetste roose voor god bloeijende

+ Fol. 331 (cccxxiiii)

30-42 Lof slechts éénmaal vóór een strik.

+ Fol. 331^v (cccxxiiii^v)

[p. 226]

 

Princesse

 

 

45

O ghenadighe princesse schoon coninginne

 

myn ruijde sciencie staet my seer wanckelic

 

Want bouen alle vrouwen schoon keyserinne

 

waert ghi in uwen lichaem ontfanckelick

 

Den almoeghende goeds sone den vader bedanckelic

50

lof ontfanckelic alder glorien vruecht

 

Lof ghy die syt euwelic onuerganckelick

 

lof daer hemel en erden bij sijn verhuecht

 

Lof ghij die bereet sijt tot alder duecht

 

Reijn suuer juecht

55

smenschen behout syt spoijende

 

Ghy jonsteghe nu al wel segghen muecht

 

lof alder suetste roose voor god bloeyende