Refereinenbundel, Anno 1524
(1930)–Jan van Stijevoort–
Auteursrecht onbekend
[pagina 218]
| |
Lof dan Maria claer als rosen ghemerct
5[regelnummer]
Die vanden rijse der coninghen sterck
gheboren sijt ende veheuen den hemel duere
Lof gulden zale der moghentheijt figuere
mits der grueten wten enghel vloijende
Duer welck gruete ghij sijt bloijende
10[regelnummer]
aue segghende des elcs hert verblije
Daer met beurucht mitter vruech af snoyende Ga naar voetnoot11
als Eua weere / lof hemelsche treserije Ga naar voetnoot12
lof vreemt begrijpen der maghet marie
O moeder puere die de croone draecht
15[regelnummer]
Die ghebaert hebt den goods soone maecht
ws loofs vloijende en is niet om gronden
Lof nochtans vruchtbarighe eerde onuersaecht Ga naar voetnoot17
Vochtich makende soot elcken behaecht
gedeons vlies tot sulcken stonden
20[regelnummer]
Ja mitten dou des hemels ghesonden
voedende als dlammeken mitten bloede
Ga naar margenoot+Des enichs goods vaders vrij ontbonden
lof Aarons drachtighe roede
Groijende mit bloemen soe ick bemoede
25[regelnummer]
suet als amandelen thonen belije
Lof cruijke hemelsbroot tonser hoede
brenghende warachtelic sulcke melodye
lof vreemt begrypen der maghet marie Ga naar voetnoot28
Lof maghet ende moeder eersamelicste
30[regelnummer]
Ghelijcste Judith bequamelicste
ewelic blijdelicste / suetste ghemaniert
Lof duechdelicste Hester scamelicste
Lof Abijgail payselicste / tamelicste
lof heijlighe Ruth moabijte verciert
| |
[pagina 219]
| |
35[regelnummer]
Lof gulden poorte die alle quaet af stiert
lof vierich doorn groijn bloijende alteenen
Lof Josephs verblijdinghe wel gheregiert
lof Joachims nichte nae mijn meenen
Ws loofs vermaninghe doet mij weenen
40[regelnummer]
als onwerdich dijns troosts in desen crije
Roepende ghenade mit swaer vereenen
want ghy verwonnen hebt die duuelije Ga naar voetnoot42
lof vreemt begrypen der maghet marie
Princesse
Opperste princesse maria verheuen
45[regelnummer]
Hoemen v compareert bescreuen
alle creatueren blootelick
Ga naar margenoot+Tes wint ghelijck voerspoet verdreuen
Lof noch dies werdich lichaem beseuen Ga naar voetnoot48
noot ghierich bouen den hemel grootelick
50[regelnummer]
Wtstordende bouen der eerden nootelick
Vruchtbarich bliuende onuerstootelick
die ghewaerdichst was hem ontfaende
Die al die werlt bleef onbegrepen staende
ende begreep drie vingheren doe ten tije
55[regelnummer]
Jnt fundament der erden diep gaende
dies ic dusentwerf segghe vrijtste vrije
lof vreemt begrijpen der maghet marie
|
|