Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende



[pagina 202]
Reffereijn CCXXXVI Daer heb ic luttel sorghen voer EEn meijsken omtrent xv iaren out Lanck proper smal bruijn ghewijnbraut soe cloick / soe stout / sijnde bouen screuen Van consten doerstickt menichfout 5[regelnummer] Claechden laesten hoet was haer moeder scout datsij onghetrout / ende meecht was bleuen Sonder man en woudse niet langher leuen want haer meechdom viel haer te swaer Dus heeft sijt haer te kennen ghegeuen 10[regelnummer] ende seijde haer meninghe openbaer Die moeder versuchte ende seij voerwaer Ga naar voetnoot11 Lief kint ghi syt noch veel te cleyn tot sulc laboer Doet mynen raet en beijt noch een iaer Beyden seydse / Ja / ic en hebs ghenen wille maer 15[regelnummer] daer heb ick luttel sorghen voer Die moeder seyde hoe geck is v thoot Dochterken waer dat ghi sorchdet bloot Voorden achtersten cloot / ghi soud anders spreken Ga naar margenoot+Oec soudi bedwinghen bet uwen noot 20[regelnummer] Ghij sijt seer teer / ende den wederstoot valt swaer en groot / ende vreemt van treken Dus sorchick oftmen v mochte breken het waer mij leet missquame v ijet Moeder seydse ic sal mij seluen wel wreken 25[regelnummer] ende oeck wel lijden wat mij gheschiet Alsoe niet dochterken hoort mijn bediet ghij sijt te ionck / sij seijde niet een loere Soudick te jonck sijn neenick niet Ja ghij een cleyn lutsken / sij seijd siet toch siet 30[regelnummer] daer heb ick luttel sorghen voere
[pagina 203]
Sij seij dochter ic sorgher meer voer dan ghj Want vieldi te cleijne elc seyde tfij Ga naar voetnoot32 ende dan wordj wederom thuijs ghewesen Ke moerken seydse stelt v te vreden hoet sij Ga naar voetnoot34 35[regelnummer] Want gheen ghebreck en wordt gheuonden in my dat weet ick vry / ick sals wel ghenesen Ghij moecht exempel nemen by desen een ionghe couwe is soe wyde ghebeckt Als een ouwe / oeck wordt ghepresen 40[regelnummer] jonck leeir want them seer wel reckt Thouwelic niet langher en vertreckt oft ic sie seluer toe / dus hebdj den koere Dit is dat ghene dat my ghebreckt Ga naar margenoot+Datmen mij thuijs seijnden sou ghij segt Ga naar voetnoot44 45[regelnummer] daer heb ic luttel sorghen voere Prinche Nae dat die werelt nu geet Ga naar voetnoot46 Soe vallen die meijskens veel te heet ist lief of leet / sij willen den steert hebben Hoe ionc sij sijn mij dunct dat elc weet 50[regelnummer] Van sulcken saken nu beter bescheet dan douders die tspel ghereets anueert hebben Tdunct hen al goet als sij haer begheert hebben voer tveijnsterken daer sij tvissop wt ghieten Thes hen alleens als sij swercks moghen ghenieten 55[regelnummer] Die hertgens sietmen in vruechden vlieten als men clopt voer haer coekendoere Elc seijt soud mij sulck werck verdrieten Oft soudick voer sulck werck verschieten daer heb ic luttel sorghen voere	voetnoot11 de r van versuchte boven het woord bijgeschreven. margenoot+ Fol. 315^v (cccviii^v) voetnoot32 na cleijne is ic doorgehaald en de (lange) s van seyde verb. uit t voetnoot34 seydse in marg. l. bijgeschreven. margenoot+ Fol. 320 (cccix) voetnoot44 het eerste staaltje der ij in ghij verb. uit e voetnoot46 de a van gaet doorgehaald en e erboven bijgeschreven.

Vorige Volgende