Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende


Reffereijne CCXXXII antworde Benedicite wie mach dese loghene lieghen O Decksel sprack sij van mijnen borstkens souden mij v pencen soe haest verleet sijn Ic en vergader voer mij gheen ander worstkens lief dan tuwer coekenen bereet sijn 5[regelnummer] Soudick slachten die dobbel ghecleet sijn ende gaen lopen van bancken tot stoilen Ocherme soudic daer om van v gheueet syn soe hebdj mijnder liefden een cranck beuoilen Mer om dat uwe minne slaet int vercoilen 10[regelnummer] soe wildi mij vander hant nu slaen
[pagina 195]
Ic sal die onneer van mynen halze spoilen want ic en heb noyt tot sulcke fame ghestaen Ga naar margenoot+Soudic om een lose bootscap wt gaen ende ander liens kinderkens lopen wieghen 15[regelnummer] Daer ic mach duecht ende eer ontfaen benedicite wie mach die loeghene lieghen Wie mach segghen dat ic v niet en minne daer ick noyt lieuer man en sach Wie mach segghen dat ic quaet gaern spinne 20[regelnummer] daer ic v soe vriendelick bin alden dach Wie mach segghen dat oyt man lach in mijn ermkens dan v persoon alleene Daer ic hondertwerf v absent voer cussen mach mijn oorcussen / mer lacen ghy achtet cleene 25[regelnummer] Thes wel redene dat ickt beweene die ontrouwe die ghij mij legt voer oghen Mer men seijt daghelics en this ghemeene mit weldoen blijft die menighe bedroghen Heb ic den dobbelen aert gheploghen 30[regelnummer] die onnoselick achter huijs moet vlieghen Heb ic tlanghe mammeken elders ghesoghen benedicite wie mach dese loeghene lieghen Soude ic v die blouwe huijck om hanghen ende v mit eender fouten paijen Ga naar voetnoot34 35[regelnummer] Soudick die nachtrenten van v ontfaghen ende elders gaen mitten naycort wt naijen Soudj myn hoofken comen besaijen Ga naar margenoot+ende verliesen tbeste bloijmken van al Soudi mij aent draijboomken leren draijen 40[regelnummer] daer ic een ander die const of wijsen sal Soudick soe tcalfken leijt inden stal ligghen luijroghen sonder yet te doene Neenick liefken twaer groot ongheual ic en deets niet ic en was noijt soe coene
[pagina 196]
45[regelnummer] Soudic mijn rospruyme al esse groene om enen stoter gheuen ende v bedrieghen Ben ic tpaesbort van venus compaenioene benedicite wie mach dese loghene lieghen Prinche Princelijke mutsaert reijn minnen knoop 50[regelnummer] gheacht int herte als moesyen oft vlieghen Soudic v doen swadderen int achter loop benedicite wie mach dese loeghene lieghen	margenoot+ Fol. 313 (ccciiii) voetnoot34 der van eender boven den r. bijgeschr. margenoot+ Fol. 313^v (ccciiii^v)

Vorige Volgende