Refereinenbundel, Anno 1524

[p. 179]

Reffereijne CCXXII
Wat spel soudmen spelen wou tbuijxken niet swellen

Dees meyskens bliuen meecht god weet waerom siet
certeijn om des werelts eere
Sij souden haer maechdom wel verliesen siet
en wou dat buijxken niet swellen onder die cleere
Tbedwingt hen oock mit allen seere
want sij bliuen maecht om dese sake
Mer thert van binnen en rust nemmermeere
ten quelt hen van venus onghemake
Twaer quaet dat si al stonden op die cake
⁺al die hen heijmelick laten vellen
wat spel soumen speelen wou tbuijxken niet swellen ¹¹

Hoe soumen dansen hoe soumen springhen
thertgen sou wesen als dam siet
Men sou dees meyskens niet moghen bedwighen
noch niemant en soutse moghe maken dam siet
Dan alleen dat haenken mitten roden cam siet
daer aldus veel hennekens nae lopen
Ghelijc die oije doet naden ram siet
hoe soumen dan den wijn drincken mit stopen
Benedicite dominus wel lieue ghesellenn
wat spel soumien spelen wou tbuijxken niet swellen

Die henne is ghern byden hane
soe is die haen oec bij die hinne
Wy dat heeft die beste scryf penne
daer geef ic v allen in te raen
Isst ionck ist out het wilder al aen
mer dat kint draghen iss alden laste
Wou tkint niet clappen twaer al gheraen
in corten stonden alst hem best paste
Men sout al in boirten vertellen
wat spel soumen spele wou tbuijxken niet swellen

+ Fol. 303^v (ii^c xciiii^v)

11 de m van soumen verb. uit e

[p. 180]

 

Prinche

 

 

 

Hoe sou dan menighe meyt

 

⁺die plancken der coetsen quellen

 

Had sy des buijckeuels sekerheijt

35

Sy souden worden van quade beleijt

 

ende lopen snachts wt cokerellen

 

wat spel soumen spele wou tbuijxken niet swellen

+ Fol. 304 (ii^c xcv)