Refereinenbundel, Anno 1524

Reffereijn CCIX
Met uwen vingher v tonghe dwingt

Al siedy god betert begrauen den wet
of die rechtuerdighe van haeren stoilen berooft ²
Al siedj srechters hant ghesalft vet
⁺ende trecht veracht worden ende verdooft
Al worden putiers officien ghelooft
laetet god wreken die de werlt dwingt
Al wordt die gheerfde sijn eruen berooft
mit uwen vingher v tonghe dwingt

Al merckt ghy tghelt bouen god ghemint
ouerspel ghepresen al waert groot eere
Al ist dat ghij pluijmstrikers gheacht vint
al brengt die een oeck den anderen int verseren
Datmen venus vierdach vermeere
dat dat vleeschuys vanden meyskens op ghinc
Al siede den monick syn ouersten teghen keren
mit uwen vingher v tonghe dwingt ¹⁶

Al siedj die woluen onder die lammeren gehaet
deerlick die wolf af treckende by crachten
Al siedi datmen die grote dieuen quijt laet
ende elc jonck diefken die doot verpachten
Al siedj erghens een nonne bij nachte
die gern die jonghers by venus casteel winct

2 het eerste staafje van de u in rechtuerdighe verb. uit e

+ Fol. 289^v (ii^c lxxx^v)

16 de v van vingher verb. uit w

[p. 156]

 

Al siedj dolen die werelt in elck gheslachte

 

mit uwen vingher v tonghe dwingt

 

 

 

Prinche

 

 

25

Ghelyker niet eerlyker en es dan duecht

 

⁺want die duecht alle twisten sinckt

 

Also ghy gheen eelder dan swyghen vinden muecht

 

daer om mit uwen vingher v tonghe dwingt

+ Fol. 290 (ii^c lxxxi)