Refereinenbundel, Anno 1524
(1930)–Jan van Stijevoort–
Auteursrecht onbekendReffreijn CC
| |
[pagina 137]
| |
Mer die comt inder tonghen strate
selden of nemmermeer en wordt hijs quijte
Hoe salich hoe goet hij es van state
20[regelnummer]
die tonghe maeckt hem niet werdt een mijte
Dit doet der goeder herten spijte
tfenijn der slanghen sij bouen gaet
Want bloidich sijn sij van appetijte
een valsche tonghe gheen ergher quaet
25[regelnummer]
Loosheijt valscheijt verraderije
wanhoop orloghe ende moort
Meneicht nijts ijpocresije
muterije diefte of discoort
Vechten strijt kijf altijt verstoort
30[regelnummer]
scaemte blasphemie ende ongheual
Voort wat der qualick vaert toe behoort
een valsch tonghe es vrou van al
Oock dat die duuel niet wercken en sal
een valsch tonghe voldoet die daet
35[regelnummer]
Al waerder noch dusent int ghetal
een valsch tonghe gheen ergher quaet Ga naar voetnoot36
Ga naar margenoot+Een valsche tonghe doet landen mineeren
een valsche tonghe doet princen dolen
Een valsche tonghe doet steden razeren
40[regelnummer]
ende hout iusticie ende recht verholen
Een valsche tonghe hout helsche scolen
een valsche tonghe van paijse maect kijf
Een valsche tonghe heeft haest ghestolen
trou gheloof ziel ende lijf
45[regelnummer]
Een valsche tonghe scheijt man en wijf
een valsche tonghe verderft goeden raet
Een valsche tonghe es vruechts verdrijf
een valsche tonghe gheen ergher quaet
| |
[pagina 138]
| |
Hoe wel een kercke es gheregiert
50[regelnummer]
hoe wel een huijs mach paijs verweruen
Hoe wel een clooster es ghemaniert Ga naar voetnoot51
een valsche tonghe salt al bederuen
Hoe hem enich mensche bereijt om steruen
hoe hem een mensche wacht van ghebreken
55[regelnummer]
Hoe datment yken can oft keruen
een valsche tonghe salt al om steken
Ten baet gheulouwen ghewacht gheweken
een vasche tonghe sayt altyt haren saet
Want heymelic scalck syn al haer treken
60[regelnummer]
een valsche tonghe geen ergher quaet Ga naar voetnoot60
Een valsche tonghe sal wel versieren
Ga naar margenoot+dat noijt ghepeijst en was noch ghedocht
Een quade tonghe in haer bestieren
heeft somtijts vrienden duer vercocht
65[regelnummer]
Die menighe en heef nie dan duecht versocht
die byder tonghen es comen wter eeren
Een valsche tonghe heeft toe ghebrocht
twelc dusent wyse niet en connen keren
Mer bouen al macht hem wel deeren
70[regelnummer]
die sonder sake syn eere laet
Ey laes thes nu tghemeen gheneeren
een valsche tonghe gheen argher quaet
Die menighe wert onnosel ghebannen
die menighe sonder sake ghedoot
75[regelnummer]
Tsijn wel bijster tot dusent mannen
tgaet menich druckelick om sijn broot Ga naar voetnoot76
Thes menich gheuanghen in groter noot
thsijn veel gheworden van scrijuen blint
Thes menich in groter wederstoot
80[regelnummer]
ende dat bijder tonghen valsch regiment
| |
[pagina 139]
| |
Thes menighe vrou haer eer ghescent
by dyen en sonder sake versmaet
Dus mach hy segghen diet wel bekent
een valsche tonghe gheen argher quaet
Prinche
85[regelnummer]
Orloghe es een grote plaghe
Ga naar margenoot+sij en stoort niet alder luijden bloit
Hongher is oeck een scerpe vlaghe
nochtans sijn veel luijden gheuoit
Al es die sterfte teghenspoit
90[regelnummer]
sy cesseert toch tot enigher tijt Ga naar voetnoot90
Mer daer een valsche tonghe wroit
daer en es nemmermeer respijt
Sy en spaert niemant oeck wie ghij sijt
want ziel en lijf sij doch versmaet
95[regelnummer]
Dus blijfick daer by van dies vermijt
een valsche tonghe gheen argher quaet
|
|