Refereinenbundel, Anno 1524

Reffereijne CXCVI
Den siecken es den meesten noot

O Venus hoe hebdj mijn hert duerscoten
dat ic mit siecten dus bin beladen
Ghij hebt mij mit twijfel alsoe begoten
ay laes wie sal mij nu beraden
Van sieckten en crijchick gheen ghenaden
sij laet mij blijuen / die edel gheboren
Een woort van troost waer mijn versaden
mocht ic aenschouwen die wtuercoren
Aij mij neen ic niet dus blijfick verloren
ende seg oock wel die waerheijt bloot
den siecken es den meesten noot

Alle mijn suchten ende alle mijn claghen
en mach mij helpen tot ghenen tijden
Mijn lijden moet ick alleene draghen
⁺dus moet ick alte swaerlick strijden
Van haer soe moet ick troost ontglijden
aij laes ic sal van rouwen steruen ¹⁷

+ Fol. 274^v (ij^c lxv^v)

17 het eerste staafje van de n in rouwen verb. uit het begin eener r

[p. 130]

 

Haer medecijn waer mijn verblijden

 

troost sij mij niet ick sal bederuen

20

Druck ende lyden syn myn eruen

 

soe lijdic druck ende wederstoot

 

den siecken es den meesten noot

 

 

 

Pamphilus en was nije soe ghewont

 

noch Thazon of oeck Paris mede

25

Noch Lucresiens liefte die vaste stont

 

die minne haer hert nie sulc ghequel en dede

 

Als sij mij doet / dies roep ick onurede

 

cruyt van ghenesen waer myn medecijne

 

Wou sy aen mercken myn jonstighe beden

30

soe soude wel vergaen alle mijn pijne

 

Dus wilt mij troosten scoon rosemareijne

 

oft ick sal bliuen van rouwe doot

 

den siecken es den meesten noot

 

 

 

Prinche

 

 

 

Die in liefde dus blyf ghequelt

35

syn hert mach wel van rouwe suchten

 

Venus heefter menich in dasschen gheuelt

 

die al haer leuen waren in duchten

 

⁺Die hier ter werlt dit werck wil pluchten

 

ende gheen troost en crycht vant mondeken root

40

Hy mach wel segghen mit menich versuchten

 

den siecken es den meesten noot

+ Fol. 275 (ij^c lxvi)