Refereinenbundel, Anno 1524
(1930)–Jan van Stijevoort–
Auteursrecht onbekendReffereijn CXCIII
| |
[pagina 124]
| |
10[regelnummer]
onder rosen dornen corrosyf onder wijn
Die wercken syn onghelyc haren schijn
die mont spreect scoon al es thert vol haets
By meest betrouwen veel menschen bedroghen syn
Dies segic den wt ghegeuen termijn
15[regelnummer]
by wel betrouwen gheschiet veel quaets
Ga naar margenoot+Thamar ende alle eerbar ionghe vrouwen
Wilt gheen mans te veel betrouwen
ghij weet Aman v selfs broeder v bedrooch
Susanna wilt v gheschienis onthouwen
20[regelnummer]
Peijst dat douwe rechters v scoffieren wouwen
messcap die oude van beghin oyt looch
O als Dijna in mesopotanien tooch
ende goets moets ghinc in sichem net ende reijne
Amors sone haer mit ghewelt toe vlooch
25[regelnummer]
sy wert ontstelt mitten seluen cappiteijne
Spieghelt v vroukens groot en cleijne
meechdekens weukens leeft mijns raets
In eerbaren schijne vintmer veel vileijnen
Elc wacht hem want het blyct int ghemeijne
30[regelnummer]
bij wel betrouwen gheschiet veel quaets
Bij wel betrouwen wordt menich coopman beroijt
Sijn goet ontuoirt sijn borse gheuloijt Ga naar voetnoot32
bij wel betrouwen vindicker bedroghen oijt
Twoordt noch twerck en wachten hem lieges noit
35[regelnummer]
by wel betrouwen doolt menich amorues geest
Isser mans volc binnen vroukens vreest
die meijster sijns selfs dienstmeecht scoffiert
Onder vrienden werckt ontrou alder eerst
quade liefde duer gheuaderscap doeruiert Ga naar voetnoot39
40[regelnummer]
In comenscap wordt valscheyt versiert
Ga naar margenoot+sulc werct bedroch hy schynt vol toeuerlaets
Elc wordt bedroghen niemant en weet waert miert Ga naar voetnoot42
| |
[pagina 125]
| |
Dus hoement wacht of hoement bestiert Ga naar voetnoot43
by wel betrouwen gheschiet veel quaets
Prinche
45[regelnummer]
Betroudi v seluen wel soe abusierdj
Betroudj uwen naesten soe faelgierdj
want al suectmen trou men vintse niet
Betroudj seer op god soe presumierdj
die voghel die bekende netten / vliet
50[regelnummer]
Wort by subtylheden mitter roiden gheuaen Ga naar voetnoot50
Dus al scudj of vliedj openbaer verdriet
der gheueynsder vrientscap condj qualic ontgaen
Dat vrienden schynen syn vianden voordaen
hier om crielt die welt vol archs saets
55[regelnummer]
Moort diefte vrouwencracht worter bi gedaen
Dus segick al en soudic gheen prijs ontfaen
by wel betrouwen gheschiet veel quaets
|
|