Refereinenbundel, Anno 1524

[p. 120]

Reffereyne CXCI
Al bemin ickse seer sy acht myns twint

O cracht van liefde hoe sal ic ghedoghen
Dat die radyen myns liefkens bruyn oghen
een ander toghen blyde gelaet
⁺Ende sij mij minlick hebben doervloghen
Dat die vruecht myn iuechts moet verdroghen
hoe sal ic mij poghen om troost of raet
Want meer bemin ic dat vroulick saet
Dan al dat minschelic lijf ontfaet
op deerde en staet gheen soe vast geprint ⁹
En ist niet quaet te lyden / Jaet
Datse myn liefde gheen gaij en slaet
noijt dus verblint
al bemin icse seer sy acht myns twint ¹³

Meer bemin ick haer amoruese seden
Dan Troylus oyt Brysedam dede
oft Paris mede die schone Helene
Dauid en hadde noijt sulcken onurede
Doer Barsabee / mijn liefs schoonhede
stichtic meerder onlede al acht sys cleene
In my sy is soe suet soe rene
Dat mij dunct dat alle die goden ghemene
Nie wrachter eene
in ghelyker formen of meer versint
Hoe ic haer claghe sucht ende weene
Myn liefde en gaet haer niet ten beene
dits dat my scint
al bemin icse seer sy acht mys twint ²⁶

⁺Priamus doch troost van lief aenschoude
Eurialus Lucrecien betroude

+ Fol. 268^v (ii^c lix^v)

9 vast verb. uit ist

13 de e van achte doorgehaald.

26 de t van dits verb. uit een onvolm. e (?)

+ Fol. 269 (ii^c lx)

[p. 121]

30

die hem bedoude haren troost voerwaer

 

Dydo minde Eneam sonder froude

 

Medea bi jason des ghelijcks haer benoude

 

mer wiet beroude dat laet ic daer

 

Dees hadden troost van vrouwen claer

35

Ende ick merck openbaer

 

ic say al pluijmen al tseghen den wint

 

Al lydick doer haer druck oft misbaer

 

Den troost myns liefs is my onnaer

 

want ick beuint

40

al bemin icse seer sij acht mijns twint

 

 

 

Princhesse

 

 

 

Lustighe princesse voerwaer ick wilde

 

dat ghy my bemindet teyn venus kint

 

Mer ic bin v te zeer vander ghilde

 

Dus waert mij leet dat ic v tachter hilde

45

want ic gheuoil wel alst refereijn beghint

 

al bemin ic v seer ghy achtet twint