Refereinenbundel, Anno 1524

[p. 93]

Referey CLXXVIII
Het wert een rijc coopman die sielen wint

NEemt achterdincken / peyst om vermaen stranck
op srechters strangheyt dat es myn begheren
Ten wtertsten oordel / daert v sal gaen wranc
twelc uwer sielen mochte hinderlic deren
V vleyschelyke forme sal die erde verteeren
doet v betalinghe in leuende lyue
En wilt v siele van scanden weeren
⁺als dat dyn vleysch der zielen niet tachter en bliue
Die ziele die ic als borghe scryue
des lichaems / die hem als wel versint
Segghende te mynen eersten motijue
het wert een rijck coopman die sielen wint

Men vintse mochtense goet coop copen
al soudense goods dienst der met verbueren
Sy soudender om wter kercken loopen ¹⁵
Om dat sy donnoselen mochten tfel of stropen
ende die ziele wt hunnen buijke lueren
Wee v des wercks sondighe creatueren
es dende goet al goet / v daer op sticht
Hebt consciencie wilt v tot beteren spueren
denct op die keerse die voor licht
Vwen verlopen chys betaelt ongheswicht
die cooper die midts coopen bemint
Om der sielen behout dat is mijn ticht
het wert een rijc coopman die sielen wint

Die ziel en can tlichaem niet bedwinghen
mer tlichaem brinct die siele in seere
Tlichaem heeft den wille duer gods gehenghen
⁺welcken wille der zielen in sommighe dinghe ²⁹

+ Fol. 251 (ii^c xliii)

15 de tweede d van soudender verb. uit r en na r. 15 is de volg. r. met rooden inkt doorgeh.: sy en souden ontsien gheen grote kueren

+ Fol. 251^v (ii^c xliii^v)

29 na wille een weglatingsteeken en der zielen na dinghe bijgeschr. (tusschen twee weglatingsteekens).

[p. 94]

30

Tteuwigher verdommenisse brinct en nemmermere

 

Om der zielen / ghewinsele es myn leere

 

mit rechtuerdigher comenscap om te gane

 

Om betalinghe te doen den oppersten heere

 

mit penitencie en berouwe te verstane

35

Caritate / abstinencie wyst ons die bane

 

om die siele te behoudene onghescint

 

Voer den helschen viant ic des vermane

 

het wert een ryc coopman die sielen wint

 

 

 

Prinche

 

 

 

Men vint veel diuersche herten

40

soot blyct / die werlt is groot int ronde

 

Om die siele te iaghen in veele smerten

 

dat sij tlichaem tempteren tot menighen stonde

 

Versmorende dlichaem nu in veel sonden

 

soe moet dan die erme siele al betalen

45

Wat baet ons gout schat oft ponden

 

costelyke iuwelen landen oft palen

 

Als ons die doot coomt achterhalen

 

het maect der zielen dat swaerste torment

 

Dus suchtic in scheyen van mynder talen

50

het is een ryc coopman die sielen wint