Logo DBNL
Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort–rechtenstatus Auteursrecht onbekend

Vorige Volgende

Refereyn CLXIX
Dit hout die liefde aldermeest ghestadich

 
Wat scat / goet / voer trouwe ter werlt gene
 
Tes cleene // alle dat hier onghelykelic blijct
 
Mach liefde best houwen soe ick meene
 
dat bat onsen rouwe oprecht soet blykelic strijct
5
Sal liefde ghestadich blyue die rykelyc dijct
 
trouwe moeten bant syn sonder falen
 
Trouwe spant de crone die onbeswykelic kijct
 
oeck cansij duecht / mit duechden betalen
 
Ghy minnaers horende dit verhalen
10
mint trouwe / soe sal v trouwe ghebueren
 
Oec sal ghestadicheyt tuwert dalen
 
als die slinghermimyghe sullen trueren
 
Wie trouwe mist syn hert mach hem wel scueren
 
want trouwe is vol ionsten ghenadich
15
+dit hout die liefde aldermeest ghestadich
 
Blint / vint / hy / grieffelick der minnen treken
 
die tbreken der ionsten hulde ontrouwelic smaect
 
Twint / mint / dan lieffelijke woorden spreken
 
dinsteken / der valsheijt liefde vercouwelic maect
20
Al vertoont haer die sulcke tuwert vromelic naect 20
 
ghelooft niet te dray tsamblant mach sneuen
 
Mer dunct v dat ongheueysheit bouwelyc / waect
 
geeft trouwe gheloue twort een leuen
 
Want trouwe can amoruesheyt gheuen
25
ghestadicheyt sterck sonder varieren
 
Trouwe is tsekerste punt becleuen
 
in wiens liefde gheduericheyt sal regeeren
 
Liefde en mach trouwe niet faelgeren
 
want trouwe der herten es beradich 29
30
dit hout die liefde aldermeest ghestadich
 
 
 
Wiet / siet / tes blamelick trouwe verdriuen
 
dbescriuen / van Ouidius diet claerlick / straeft
 
Vliet / niet onbetamelick wilt vrolic bliuen
 
dbecliuen / wort soet dwelc therte sterckelic / laeft
35
Acht niet hoe ghy in venus lamoen werckelic / slaeft
 
trouwe eyscht alsoe te doene
 
Tsyn venus padekens diemen dus merkelic / draeft
 
mit onghedoeysden opinioenen
 
+Al haddy liefs wille voer een soenen
40
saechse noch omme v herte sou steruen
 
Hierby soe ist goet te beuroene
 
dat trouwe die ghestadicheyt moet deruen
 
Och amoruese geestkens wilt dan eruen
 
trouwe / int herte valt niet misdadich 44
45
dit hout die liefde aldermeest ghestadich
 
Prinche
 
 
 
Groot / noot / est treckende venus lijne
 
huesch tsyne / van monde altyt secreet / net
 
Thoot / bloot / ondeckende tallen termijne
 
ten fyne / sonder beroem onuermetelic net
50
Oft anders woort venus knecht een verghetelic / let
 
int backhuys int brouhuys dongheachte
 
Een vyleyn heeten die hem omwetelic / set
 
bedriechelick by daghe by nachte
 
Die liefde sal vercryghen te pachte
55
moet trouwe orboren in alle dinghen
 
Die daet als woort thoghen mit crachte
 
oec en mach gheen jalozie minghen
 
Liefde en wil niet dan trouwe gehenghen
 
dies blyf ic der trouwen onuersadich 59
60
dit hout die liefde aldermeest ghestadich 60

Vorige Volgende