Refereinenbundel, Anno 1524
(1930)–Jan van Stijevoort–
Auteursrecht onbekendReffereijn CLXVII
| |
[pagina 68]
| |
Salamandra dat venijnich spusel schiet
vijpra dat den mensche tallen weghe wacht
Dispas die tvolck doet mit dorst verdriet
15[regelnummer]
Scorpio dat den steert altijt om steken biet
en Aspis dat den mensche mit sijnder hetten versmacht
O doot uwe macht
Is veel meerder gheacht
Ghy myneert daer ghy v oghen op scacht
20[regelnummer]
Out / ionck / goet / quaet / tes al dyn vracht
Ick en cans niet beuroeden wie dat ghi slacht
wilt ghyse al te niete doen die in swerlts prieel syn
Soe moghen wy segghen dach en nacht
o doot du moets wel een bitter morseel sijn
25[regelnummer]
Die philozophen veel diuersche cruden vonden
Die in alle monden
een smake behouden seer bitter van minnen
Ghelyc Aloe Calabinum in allen stonden
Ga naar margenoot+Bitter es int gronden
30[regelnummer]
nochtans haer cracht nut es ter medicijnen
Colloquintida gheen bitterder en mach sonne bescijnen
Die bitterheyt van Edra en mach soe niet verdwijnen
Absintheum remedeert veel diuersche pynen
Aloe exacticum doet passyen verdwynen
35[regelnummer]
mer Aloe cicotrium es van meerder weerden
Aristologia oyt men ter ghesonde begheerden
genesta veel diuersche plaghen ontsluijt
Cucurbita die de apotekers aenueerden
Ende al heetmen Centaurea galle der eerden Ga naar voetnoot39
40[regelnummer]
nochtans haer wercken van groter virtuijt
Mer tbitterste cruijt
Dat uwter eerden spruijt
Dat bistu o doot bouen tparadijsche fruijt
Dyn bitterheyt vreest elc / noort oost west zuijt
| |
[pagina 69]
| |
45[regelnummer]
Salder niemant graci hebben brugom noch bruijt Ga naar voetnoot45
weder sij in eenen thoren of in een casteel sijn
Soe machmen dan wel roepen ouerluyt
o doot du moets wel een bitter morseel syn
O pusonighe doot dyn regalich aencleuen
50[regelnummer]
Doet my altoos beuen
nemmermeer en can ic natuerlick verblyden
Want Adam ons vader alder wyst beseuen
Ga naar margenoot+Dien roofde ghy tleuen
hoe salick dyn stranghe bitterheijt ghelijden
55[regelnummer]
Du ghinghes Abraham Isaack ende Iacob bestryden
en Caleph die de ghesontste was in der natueren
Al hinc moyses tserpent op in synen tijden
Om dat tvolck vredelic sou gaen en rijden
nochtans moest hy selue dyn bitterheyt besueren
60[regelnummer]
Dalderstercste Sampson deetstu therte scueren
die outste Mathusalem hebstu niet vergheten
Absolon die tscoonste was bouen alle figueren
En mochte van dy gheen gracie ghebueren
noch Achitophels listicheyt / en was dij niet ontseten
65[regelnummer]
Patriarchen propheten
Oratoren poeten
Ja Cristus ghebenedyt inde hoochste secreten
Dien hebdi mitter seluer mate ghemeten
Mer Elyas hebdi alle dese voerseyde verbeten
70[regelnummer]
mach teghen dyn sentencie gheen appeel sijn
Soe moghen wy wel segghen die reden weten
o doot du moets wel een bitter morseel syn
Prinche
Rypelic roepic prinche om v opperste goet
Ic valle v te voet / mit groter ootmoet
75[regelnummer]
slaet niet v oghen op myn sondich besmetten
| |
[pagina 70]
| |
Het is v propre natuere dat ghi graci doet
Ga naar margenoot+laeft my mitter vloijt van dyn preciose bloet Ga naar voetnoot77 Ga naar voetnoot77
ende laet my nae dit leuen v glorie besitten
A ... .. M ... .. E ... .. N.
|
|