Refereinenbundel, Anno 1524

Refereijn CLXIII
Donwetende en connen gheen const geprysen

Onlancs leden in eender nachte
Lach ic in slape mit allen onsachte
allen myn ghedachte / wert mit vruechden beuaen ³
Denckende op haer / die ic seer achte
Bouen vrienden maghen / of alle myn gheslachte
liet ic ter wachte / besyden staen
Een minlick begheren / quam my voort aen
Dat ic tot consten myn sinnen sou slaen
duer liefs vermaen / en reynder ghijsen
Haer teender liefden dit dicht ghedaen
Daer enighe const es wat macht scaen
hoet de somniighe versmaen / of begrijsen
donwetende en connen doch gheen const gheprisen

3 de tweede l van allen verb. uit e

[p. 58]

 

Donwetende mach qualic den constighen sien

15

Nochtans en sal voor donwetende de const niet vlien

 

al mach hyt benyen / of qualick horen

 

⁺Conste is eerst gheresen wt clergijen

 

Conste is alle bedructe herten verblijen

 

constighe luden moeten const orboren

20

Const wordt besloten in constighe tresoren

 

Mits der godlyker gracien hem aen gheboren

 

daer toe vercore / om const te bewysen

 

Alle constenaers ghern nae conste sporen ²³

 

Mit wetende hertekens die druc versmoren

25

al hebben sys toren / diet niet en assysen

 

donwetende en connen gheen const gheprysen

 

 

 

Const die brengt den menighen tot eere

 

Mer die hem tot quade consten keren ²⁸

 

crijghen verseeren in haer sentencie

30

Wetende hertekens gern conste leeren

 

Om dat sy mit conste souden vermeeren

 

scouwende nijdighe weren / in elcx presencie

 

Wat scaet dat de conste heeft audiencie

 

Conste es een bequame eloquencie

35

constighe influencie / can verjolysen

 

Conste is werdich alder reuerencie

 

conste en begheert gheen neglygencie

 

constighe assistencie / doet conste rysen

 

⁺donwetende en connen gheen conste gheprysen

 

 

 

Prinche

 

 

40

Princelic der rethorijken

 

donwetende herten die conste beswyken

 

laten heen stryken als gherechte lysen

 

En wilt daer omme die conste niet wyken

+ Fol. 228^v (ii^c xx^v)

23 de r van ghern boven het woord bijgeschr.

28 na hem is het staafje van een k doorgeh.

+ Fol. 229 (ii^c xxi)

[p. 59]

 

Laet conste mit consten blycken

45

mit constighe practyken / wilt v conste spysen

 

donwetende en connen gheen const gheprysen