Refereinenbundel, Anno 1524

Reffereijn CL
Aue maria dan bouen al

Aue moeder sonder wee ^l
Aue noyt ghesproken mee
voortyts int oude testament
Aue onbeulecte znee
aue ghebenedyde zee
daer verdoolde schip in went
Aue Jacobs sterre bekent
aue balaams prophecije
Aue ons licht der oghen blent
aue gloriose marie
Aue voochdye Aue balgije
aue verdryf der duuelije ¹²
Tresoor goods melodye
sacristye Jerarchije
bouen der inghelen heerscapye
wiens lof men nemmermeer vol louen sal
Aue maria dan bouen al

l de initiaal van Aue is tevens die van Aue in r. 2

12 na der is melodye doorgehaald.

[p. 31]

 

Aue ontfermhertichste schoot

 

aue princesse sonder ghenoot

20

aue ootmoedighe Aue ghenadighe

 

Aue lelye noyt gracie soe groot

 

⁺Aue opperste roose root

 

aue heylighe Aue ontladighe

 

Aue hertelicste beradighe

25

aue daer alle vrucht es inne

 

Aue tsondaers noyt versmadighe

 

dies sydi tslot van shemel zwinne

 

Aue santuarie Aue goddinne

 

Der hemelen enter aerden minne

30

Coninghinne ende keyserinne

 

Ons troostinne / oyt van beghinne

 

Wien ic bekinne / meest van ghewinne

 

want ghi hebt goods venster ghescouen al

 

Aue maria dan bouen al

 

 

35

Aue reyne / fonteyne / crachtich

 

Aue ghetrouwe / vrouwe / warachtich

 

aue goods vrede Aue goods stede

 

Aue speghel / en zeghel machtich

 

Aue maria / syt ons bedachtich

40

aue wiens / sede Ick aenbede

 

Aue schoon troon / der godlichede

 

aue der salichede fundacie

 

Aue druue / en duue mede

 

aue des werlts gloriacie

45

Aue o spacie sonder blammacie

 

Aue des vaders habitacie

 

⁺Ons recreacie / goods jubilacie

 

Aue sonder comparacie

 

Ons reformacie / val alder gracie

50

v visitacie heeft ons bestouen al

 

Aue maria dan bouen al

 

 

 

Princesse Aue Aue princesse

 

Aue clergesse Aue voochdesse

+ Fol. 210^v (ij^c ii^v)

+ Fol. 211 (ij^c iii)

[p. 32]

 

aue soitste bouen alle namen

55

Aue abdesse Aue meestersse

 

Aue wien ic nu scencke myn lesse

 

ic bid v en wilt my niet vergramen

 

Al bin ic sondich en vol van blamen

 

wilt toch versamen / myns hoedekens ramen

60

Mi brenghen naer dit swaer bescamen

 

Daer alle salighe / gherne quamen

 

en daermen mit god ewelick houen sal

 

Dies segic amen / naer tbetamen

 

Aue maria dan bouen al