Refereinenbundel, Anno 1524

Reffereyn CXLVI
Vrouwe

O vrouwe / die alle druckighe plaghen dwaet
daer tsondaers hope / meest op ghescacht / es
Ghij syt die minlike lieue dagheraet
die middelarighe tusschen dach en nacht / es
Jesus v soone / den dach gheacht es
den nacht / dat syn mij sonden groot
Coomt als dagheraet / want vercracht / es
myn ziele / in alte groten noot
De heylighe kercke / die noemt v bloot ⁹
maria moeder vol ontfermicheden soet
Och vrouwe ontpluyct doch uwen schoot
ende gracie mynder ermer zielen doet
V hulpe den leuenden / mit gracie voet
ende missick gracie / noyt meerder rouwe
Toocht dat ghy macht hebt / myn herte v groet
ontfermt v myns bermhertighe vrouwe

O maria ghy syt die lieue mane
die ons den langhen nacht verclaert
⁺Die naest der erden pleecht te gane
wiens macht / haer ande zee verbaert
Toont aen my uwen oetmoedighen aert
die hier als aerde legghe verweest
Den storm der zee myn seer veruaert

9 de o van noemt verb. uit het derde staafje van de eerste m (thans n)

+ Fol. 205 (cxcvii)

[p. 23]

 

ic en can nouwe gehouden sin noch geest

25

Helpt my reyn mane / die ben beureest

 

want tsviants wint / heeft my bestreden

 

Alle die werlt die gruet v meest

 

als moeder vol ontfermherticheden

 

Ghi hebt die helle gheijdelt beneden

30

enten hemel gheuolt / als liefste trouwe

 

Ic roepe om troost mit allen leden

 

ontfermt v myns bermhertighe vrouwe

 

 

 

Ghi syt die sonne schoon bouen verschonen

 

int midden der planeten gheseijt

35

Bouen v hebbende de drie persoonen

 

der heyligher werdigher triniteyt

 

Ende onder uwe hoghe maiesteijt

 

maechden / weduen / ende huwelyken staet

 

Aenhoort my dan die deerlick schreijt

40

ende hout my / des viants onghescaet

 

Ghy syt soe claer / dat van ons gaet

 

⁺des viants donckerheyt waer ghy naect

 

Dies singtmen van v sonder velaet

 

du van onsen sonden ons quyte maect

45

Ick erme sondare verdroocht verspaeckt

 

roepe ontfermelick / eer ick verflouwe

 

Als weese / in duterste noot gheraeckt

 

ontfermt v myns bermhertighe vrouwe

 

 

 

My rouwen alle myn sondeghe ganghen

50

in v soe suuer ick alle myn ghebreken

 

Al heeft my vreese ronts omme beuanghen

 

hope en wil my niet versteken

 

V lof en mach gheen tonghe vol spreken

 

net my mit uwer gracien douwe

55

Helpt my / ghy en hebt noyt niemant besweken

 

ontfermt v myns bermhertighe vrouwe

 

 

 

Want v de heylighe kercke / vol weerden

 

o vrouwe dus in latyne / groet

+ Fol. 205^v (cxcvii^v)

[p. 24]

 

Ende soe menich deuoot mensch op eerden

60

v dit dickwils leest / als medicyne soet

 

V ontfermherticheit my aenschine / doet

 

die v sdaechs gheerne / hier mede aenscouwe

 

Ghi syt die alle myns lydens pyne boet

 

⁺valt my te goede / want tstaet my nouwe

65

ontfermt v myns / bermhertighe vrouwe

+ Fol. 206 (cxcviii)