Refereinenbundel, Anno 1524
(1930)–Jan van Stijevoort–
Auteursrecht onbekend
Ga naar margenoot+Reffereyne CXXXVII
| |
[pagina 296]
| |
15[regelnummer]
en neemt in dancke dat ick labuere
nu ten stonden
Lof onbesmetste vry van sonden
int geestelic int werlick en nochtan
gheen wesen v vollouen en caN Ga naar voetnoot19
20[regelnummer]
Te recht soe biet v elc saluyt
lof slot / lof sluetel lof shemel conduyt
lof vrouwe ongrondelic omstaect
Ga naar margenoot+met inghelen reen
Lof die dat sterfelyke fruijt
25[regelnummer]
ontsterfelic hebt ghetoghen wt
sterfelic sijnde en niet ghesmaect
der hellen ween
Lof tsoons moeder / lof svaders bruijt
lof v ongrondelose virtuijt
30[regelnummer]
diet thoochste en tnederste hebt ghemaect
te samen een
Lof sluetel die alle dinck ontsluijt
lof erue daer ons erue wt spruijt
ons erue vercreghen ende eruich gheraect
35[regelnummer]
int hoochste leen
Lof alder werlt troost ghemeen
die hemel ende erde maect blide en vro
ende daer heyden ende kersten op roepen O
Natuere blyft in dit werck versteeken
40[regelnummer]
myn tonghe en cans niet meer ghespreken
aensiende die godlyke visitacie
dyns soons almachtich
Myn hert is bescaemt myn oghen leeken
zenuwen adren vloyen als beeken
45[regelnummer]
ouerdenckende v onghetallike gracie
ende al warachtich
Lof sittende bouen allen reeken
| |
[pagina 297]
| |
Ga naar margenoot+aenscouwende ewelick ende onbesweken
die glorie alder iubilacien
50[regelnummer]
der godheijt crachtich
O moeder ic bin te diep ghestreken
laet uwe ghenade my niet ghebreken
vergeeft dat mynder ruder nacie
met moede sachtich
55[regelnummer]
O spieghel maect ons dyns rycks deelachtich
welc ryke sonder ghelycheyt sy
ende ryckte alder rycheyt vrJ
Voer al soe louick v schoonste schoone
versien vercoren eer enich persoone
60[regelnummer]
van goods voersinnicheyt wast ghesticht
in aertryke
O moeder draghende der vruechden croone
als coninginne vanden hoochsten throne
van aenbeghinne ghe / eerst / ghe / ewicht
65[regelnummer]
euwelyke
O maria alder duechden ghewoone
tlouen van my en es nouwe een boone
want inghelen / menschen en tsduuels gheulicht
syns in versyke
70[regelnummer]
Noyt en creech vrouwe allsulcken loone
Ga naar margenoot+moederlic baren en maecht sonder hoone
ontquetselick uwer virtuten licht
suuer cantyke
Lof wiens lof te bouen strijke
75[regelnummer]
troon hemel eerde als boete des beuens
lof vruechdelic prieel des euwich leuenS
Dy groetic Noemy compasselick schijn
lof weerde befaemde Rebecca fyn
lof stout in duechden tonsen ghewinne
80[regelnummer]
lya
Lof schoonste Raetsel balsame dijn
lof reijne Judith sonder pijn
| |
[pagina 298]
| |
lof onderdanighe santinne
Sara
85[regelnummer]
Lof Ester duechdelick rosemarijn
lof Abigail schoon suuer scryn
lof alderwertste goods vrindinne
Anna
Lof Ruth oetmoedich leyts verdwyn
90[regelnummer]
nerstighe Martha vrouwe mijn
lof alderwyste coninghinne
van Saba
hebt lof bouen al weerde Maria
Ga naar margenoot+v lof en heeft gheen comparacie
95[regelnummer]
lof vol ende al vol der hoochster graciE
Rosier vol godlyken minnen duergaen
twaalf poorte an v Jerusalem staen
daer ghi of tempel syt bloijende doren
schone Marie
100[regelnummer]
Twaelf apostolen waren v onderdaen
twaelf maenden v dienen om cort vermaen
lof vrouwe wt xij coninghen gheboren
gods melodie
Twaelf staten des hemels hebdi beuaen
105[regelnummer]
der xij gheslachten troostelick graen
sonne der xij tekenen vercoren
leeitsman vrije
Der xij articulen sloetel ende graen
lof crone de vruechdelick hebt ontfaen Ga naar voetnoot109
110[regelnummer]
twaelf sterren duerschijnen tonser oorboren
goeds heerscapie
Lof sterre der sterren daert alle op lije
alle comparacie by v niet een stro
lof bloyende roose van JerichO
115[regelnummer]
Vloyende vol alder ontfermichede
lof moeder die noyt sonden en dede
| |
[pagina 299]
| |
Ga naar margenoot+lof mitter ewighen sonnen claerheijt
ghecleet menijoot
Lof pot lof ledre lof scrine mede
120[regelnummer]
lof vlies lof roede lof moyses vrede
lof tempel lof arcke die sviants naerheyt
boet cleyn en groot
Lof cedre lof poorte lof suuer sede
lof emmer lof manna lof moghenthede
125[regelnummer]
lof balsame lof specie lof tsondaers swaerheyt
troost ter noot
Lof glorie voer alder glorien stede
lof bede gehoort voer enighe bede
wiens lof ghegronden can inder waerheijt
130[regelnummer]
leuende noch doot
Lof manna lof sterre lof roose root
lof troost lof hope ghetroutste trouwe
lof vrouwe alder vrouwen vrouwE
Reyne fonteijne wies sal ic bestieren
135[regelnummer]
ic en can v ghelouen nae rechts regieren
soe uwer weerden hoort toe ghescreuen
maechdelic greyn
Want al waren alle fonteynen riuieren
zee . eerde . lucht . vier . alle manieren
140[regelnummer]
in hemel . in troon . op eertryck beseuen
Ga naar margenoot+groot of cleyn
Lof boom . lof gras en wints hantieren
gaende . vlieghende . of crupende diere
voort al dat rueren mach of beuen
145[regelnummer]
int swerlts pleijn
Sonne mane . om loofs vechieren
sneew . reghen . haghel int multiplicieren
geesten . menschen of inghelick leeuen
alle tonghen ghemeijn
150[regelnummer]
Jae elcke tonghe x dusent alleijn
nochtans goods alderliefste voochdye
sy en consten v niet vollouen mariE
|
|