Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende



[pagina 229]
Reffereyn CXIV Soe mach ick wel wenen voer myn misdaet ALs ick peijse om des tijdts onlancheijt als ic gheuoile der natueren crancheijt siende wat wij brochten ende wat wij draghen Als ick duchte der hellen pyne beuancheyt 5[regelnummer] als ick dan vrese des ordels strancheyt Als ick vinde dat sonden die mensche plaghen Als ick mijnen tijt verloren sie moetick claghen als ick peijse wat ick worde als tlijf vergaet Als conscientie myn herte coomt binnen knaghen 10[regelnummer] soe mach ick wel wenen voer mijn misdaet Aij wi diendic u werlt veninighe beeste ijdel glorie heeft mij bij uwen foreeste verblynt dus bin ick verdoolt misgaen Want van alle sondaren soe bin ick die meeste 15[regelnummer] dus leggick gheuallen soe swaer van geeste sonder hulpe en can ic niet op gestaen Hoe sal ic myn oghen dan dorren slaen te godewaerts om hulpe of toeuerlaet Teghen dusentich sonden nau eens voldaen 20[regelnummer] Ga naar margenoot+dus mach ick wel wenen voer myn misdaet Waer wast dat ick doden te erden dede waer toende ick den dorstighen ontfermhertichede mit dranck / waer heb ic den hongherighen gespijst Waer loste ic gheuanghen waer is die stede 25[regelnummer] daer ick naecte clede of zieken mede Ga naar voetnoot25 visiteerde / waer heb ic den dolende ghewijst Waer heb ick vertroost daer duecht wt rijst den onghetroosten ghegeuen confoort of raet Och nerghens / dies my myn leuen af gryst 30[regelnummer] dus mach ick wel wenen voer myn misdaet
[pagina 230]
Wee den oghen besienden alle erdtsche dinghen wee den sinnen die mit begeerten ontfinghen wee die noese die sondelick heeft gheroken Wee handen die tasten we voeten die ghinghen 35[regelnummer] wee vrijen wille quaet om bedwinghen het wordt al op myn arme ziele ghewroken Wee tonghe die sondelick hebt ghesproken wee den ooren die sondelick thoren ontfaet Wee smake ghy hebt tgebodt ghebroken 40[regelnummer] dus mach ick wel wenen voer myn misdaet Ick en vinde in myn seluen gheen excusacie ic moet in die ewighe condempnatie mer hope staet my by ter noot Ga naar margenoot+Die mij tuijcht / en maeckt gheen desperacie 45[regelnummer] want goods ontfermherticheyt is een gracie opten sondaer dalende wt svaders schoot Want noyt sonder ter werlt en was soe groot die bekeerde / hij en vant troost en oflaet Nochtans vreesde voer die ewighe doot 50[regelnummer] dus mach ick wel wenen voer mijn misdaet Prinche Vermurwet v herte sydi van steene sindt tranen den oghen ende sydt in weene roept daer ghenade god sal dy horen Bidt voer mij moeder ende maghet reene 55[regelnummer] bidt voer mij santen santinnen ghemeene bidt voer my martelaren ende confessoren Bidt voer my alle themelsche heer vercoren bidt voer my goods inghelen al bin ic quaet O heere selt ghy my laten verloren 60[regelnummer] soe mach ick wel weenen voer myn misdaet	margenoot+ Fol. 143^v (cxxxv^v) voetnoot25 na zieken is de doorgehaald. margenoot+ Fol. 144 (cxxxvi)

Vorige Volgende