Refereinenbundel, Anno 1524

[p. 222]

Een ander reffereijn CXI
Alst al ouerpeyst es soe ist al niet

Alst al ouerpeyst is van tbeghin der werlt
doutheyt der iaren van mannen van vrouwen
Tleuen der princen verciert bepeerlt
daer diuersche boecken veel af houwen
Eerst adams leuen vol van rouwen
mathusalems noees en dier ghelycken
Abrahams ghestadicheyt vol van trouwen
ysaacks verduldicheyt hier op ertrijke
Moyses goedertierenheijt in allen wijke
josephs wyshede
Jacobs sachtmoedicheyt sonder beswyke
ende josias mede
⁺Gedeon doer syn vromichede
sampsons stercheijt / dauids victorien
Salomons wysheyt die wonder dede
en absolons schoonheyt claer als ijuorien
Wat baten hem alle deertsche glorie
mishagende god / duer haer sondich gescal siet
Vaert die siele qualic my tuycht memorie
Alst al ouerpeyst is soe ist al niet

Tis al niet hebben wy een quaet ynde ²¹
beter waren wy niet / ende sonder beghin
Want comen wy in die helsche allinde ²³
wy syn ergher dan niet ende veel min
Gheraken wy ooc niet ten hemel in
wee ons dat wy syn ijet van niet ghemaect
Och this al niet dat tuycht myn sin
alsmen van iet tot niet gheraect
Twas niet alsment wel smaect
eer die werlt began

+ Fol. 139 (cxxxi)

21 de eerste e van eynde is doorgehaald.

23 de i van allinde verb. uit het eerste ged. eener e

[p. 223]

 

Ende als wy in derde comen al naect

 

niet worden wy dan

 

Tcoomt al tot niet wyf ende man

 

als alle elementen sellen cesseren

35

Ende wy god int ordeel mercken an

 

wee ons dat wy sijn int perseuereren

 

⁺Tis al om niet ons laboreren

 

van duechden ons god rollen den bal liet

 

Op de werlt ende wy ons regeren ^{39 39}

40

Alst al ouerpeijst es soe ist al niet

 

 

 

Alsmen wel ouerpeyst chayms moordaet ⁴¹

 

alsmen wel ouerpeyst coninck pharoes quaet ⁴²

 

Alsmen wel ouerpeyst lamechs leuen

 

En wat dathan en abiron bedreuen ⁴⁴

45

alsmen wel ouerpeyst thouwelic dat staet bescreuen

 

van susanna ende die tieranden ⁴⁶

 

En van coninck saul hoech verheuen

 

die doot gheslaghen was van synen vianden

 

Alsmen wel ouerpeijst die doot vol scanden

50

van achitofel

 

Van achas van joab bloit ghierich van tanden

 

van nabal soe wel

 

Alsmen wel ouerpeyst van roboams opstel

 

en van amans bose wercken ^50-54

55

Ende die meninghe vanden kinderen van ysrahel

 

den staet wel ouerpeysen ende mercken

 

Sy wroiten in sonden als een vercken

 

diemen int slyck weer dan inden stal siet

 

Alst deynde goet es scriuen die clercken

60

Alst al ouerpeyst es soe ist al niet

+ Fol. 139^v (cxxxi^v)

39 na werlt zyn w en het begin van het eerste staafje eener y doorgehaald.

39 na rege (in regeren) zijn l en het eerste ged. eener e doorgehaald.

41 chayms pharoes dathan abiron susanna achitofel achas joab nabal roboams amans rood onderstr.

42 chayms pharoes dathan abiron susanna achitofel achas joab nabal roboams amans rood onderstr.

44 chayms pharoes dathan abiron susanna achitofel achas joab nabal roboams amans rood onderstr.

46 chayms pharoes dathan abiron susanna achitofel achas joab nabal roboams amans rood onderstr.

50-54 chayms pharoes dathan abiron susanna achitofel achas joab nabal roboams amans rood onderstr.

[p. 224]

 

⁺Prinche

 

 

 

Al touerpeysen is my te swaer ⁶¹

 

soudt al niet syn / hoe sou dat wesen

 

Want god heuet al gemaect voer waer

 

dus moet al / al syn niet / niet mits desen

65

Al is die drieuoudicheyt hooch ghepresen ⁶⁵

 

soe waert al niet daer wy nae sporen

 

Al mach doer niet / niet gaen verloren

 

al / moet al bliuen

 

Hoe soutment dan voer niet scriuen ⁶⁹

70

want al moet al syn / want al es god

 

Die van niet sciep mannen en wijuen

 

ende noch sullen doer goods ghebot

 

Die zielen bliuen onuerrot

 

in vruechden of int ewich misual siet

75

Waren die qualic ic houdts my aen slot

 

Alst al ouerpeyst is soe ist al niet

+ Fol. 140 (cxxxij)

61 na my is se doorgehaald.

65 de tweede u van drieuoudicheyt verb. uit a

69 het eerste staafje der n in dan verb. uit het eerste ged. eener e