Refereinenbundel, Anno 1524

Reffereijn CVI
Een man es een man wat leyt aen die langhe beenen

HOe moghen ons dees langhe ribben / dus verachten
om dat wy cleyn mannekens / syn cleyn van thoone
Daer wy nochtans / den vromen dauid slachten
die goliam versloich / lanck van persoone
Men acht ons niet groot ghenoech / voor een bone
mer cleyn critse boonken die qualick smaken
Al syn wy gehert / als poortmispels schoone
men hoort jannes / papen / stront van ons maken
Dan ist nicodemus cleyn hoebel van spraken
my dunct ghi sout / op een helm wel micken
Erm hutteghetut / waer wildi henen braken
blyft thuijs dat v die crayen / niet op en slicken
Tschijnt / al soumen ons / als cleyn lusekens knicken
mer ic souwer eer thien / self brenghen in weene
Een man es een man wat leyt aen die langhe beene

[p. 212]

 

Al en syn wy soe lanck niet als die langhe fluyten

 

wy syn proper en teerkens / en smal van leden

 

Ja men mocht ons tusschen twe handekens sluyten

 

die als fray leuwercxkens / op cluytkens treden

20

⁺Al dat lichtuerdich is dat syn ons seden

 

tschynt dat wy vlieghen sullen nae ons ghelate

 

Daer grote clontuoeten gaen henen kneden ²²

 

al souwen sy ertrijck met een duergaten

 

Wy gaen critse critse / snap snap achter straten ²⁴

25

al wrinckeersende / al waer woutke ganc hier

 

Dies iaghen wy die meyskens bouen maten

 

den creuele inden eers doer ons bestier

 

Want wy dapper te bedde syn voer ons bestier

 

al syn ons stylkens cort tcorpus es reene

30

Een man es een man wat leyt aen die lange beene

 

 

 

Als wy inden wech staen desen langhe meesen

 

dan ist ghy croocbuskens / bootkens op een veele

 

Sietse my hier staen dese langhe resen

 

wat doen dese boonschoofkens hier te speele

35

Dan segghen dese spibbeenkens swack als een seele

 

die als goy oijevaers achter straten scryen

 

Mer waer ic als ons heer is van beuele

 

ic souwer al gaern royen of doen snijen

 

Om kersen wt te doene tot allen tyen

40

hun haetelick snotgat / souwer plats toe moeten ⁴⁰

 

Want / waer wy gheseten syn / tes quaet om lyen

 

soe roept daer een groot sassem loeten

 

Brengt hem een pampierken onder sijn voeten

 

om dat wy cort syn dan roept daer noch eene

45

Een man es een man wat leyt aen die langhe bene

 

 

 

⁺Ghy en syt nouwe eenen sack hoppen groot

 

dats tsegghen van enen langhen wappere

+ Fol. 133 (cxxv)

22 na henen is kneden (met de eerste n boven den r. bijgeschr.) doorgehaald.

24 na gaen is t doorgehaald.

40 na souwer is haest doorgehaald en plats erboven bijgeschr.

+ Fol. 133^v (cxxv^v)

[p. 213]

 

Ick sou wel pap eten bouen op v hoot

 

roept dan een ander lanc loeghen tappere

50

Wat syn sy / dan daghelicks lancks soe slappere ⁵⁰

 

dese langhe gaernpapen / van herten flouwe

 

Mer wy cleyn mannikens soe lancs soe dappere

 

wy vlieghen te beddewaerts by een vrouwe

 

En spelen smoc smoc mit lichten ghetouwe

55

daer dees langlijfs hob hob mit gaen te wercke

 

Sy mochten doot ligghen / ia op myn trouwe

 

die proper cleyn meyskens / in elcke percke

 

Al syn wy soe groot niet als sampson de stercke

 

tes een ghemeen segghen soe ick meene

60

Een man es een man wat leyt aen die langhe beene

 

 

 

Prinche

 

 

 

Prinche princesse / cleyn int begrypen

 

coomt laet ons tsamen enen strijt beslechten

 

Teghen. dees langlyfs die ons dus vernijpen

 

ick sal self capiteyn syn vande corte knechten

65

Wy willen dese langhalsen gaen wt rechten

 

die ons dus verachten / in elcken saysoene

 

Coomt al dat cort gebeent is en helpt mij vechten

 

wy sullen in een bachouen monster doene

 

Want souwen wy eens gaen in venus lamoen

70

by een vrouken / die lancachtich es van rebben

 

⁺Tscijnt souwen wy daer me spelen nae tbeuroen

 

wy souwen daer moeten een leerken toe hebben

 

Mer ic segghe / al souwer die zee by ebben

 

hoe seer dat veracht wort een manneken cleene

75

Een man es een man wat leyt aen die langhe beene

50 na daghelicks is (eene lange) s doorgehaald.

+ Fol. 134 (cxxvi)