Logo DBNL
Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort–rechtenstatus Auteursrecht onbekend

Vorige Volgende

Reffereijn CII
Loff maria sonder erfsonde ontfaen

 
OCtauianus sach claer bouen der sonnen 1
 
blinckende men souts niet noemen connen
 
een maecht soe sibilla libica openbaert 3
 
Huers ghelycken in suuerheden noyt gewonnen
5
ghelyc ons cantica heeft ontbonden 5
 
segghende schoon sydi. myn vrindinne vermaert
 
Gheen smette onreyn heeft v beswaert
 
mer voersien in die hoochste consistorien
 
Daer hy menschelick ombeulect in woude dalen
10
Soe wracht goods cracht in die hoechste glorien
 
+dat sy vry ontfaen was sonder dwalen
 
Onbesmet van erfsonden ick moetet verhalen
 
ghelyc den doren van moyses tvier was ontgaen 13
 
sonder verbranden bleef / soe seg ic voerwaer
15
Loff maria sonder erfsonde ontfaen
 
 
 
Ghelyck wt tverdriet noe dercke behoede
 
teghen die deluuie en opt water vloide
 
soe was maria vry van erfsonden al 18
 
Eua die tghebodt goeds verfoyde
20
was deerste die ghi ontloste ende ontboijede
 
mits v reynicheyt die was sonder getal
 
V looft aduocatersse groot en smal
 
ewich mit aue als coninginne der serraphinnen 23
 
Vol van gracien teghens adams misual
25
na dwt spreken gabriels mit rechter minnen
 
Vol gracien moeten wij sonder smette kinnen
 
soe int boick des leuens is bescreuen
 
Een suuer maecht verlicht mijn sinnen
 
in appocalipsi daer sachmen gheuen
30
Een boick besloten reyn sonder sneuen 30
 
met seuen zeghelen niet om verstaen
 
Dwelc van maria puerheyt ende haer leuen 32
 
Loff maria sonder erfsonde ontfaen
 
 
 
In die cracht dat god in maria quam geresen 34
35
inder seluer macht mocht hy synder moeder gepresen
 
+wel bewaren van erfsonden tsijne
 
By experiencie wordt v dit bewesen
 
gods ghebodt ter eren vader en moeder geresen
 
ind thien gheboden in moyses lyne 39
40
Gheboot god deser termyne
 
dus segic god en liet noyt synder moeder sondich betichten
 
By figuren claer als der sonnen schijne
 
doer een glas syn claerheyt laet lichten
 
Sonder tglas hinder dies ic v loue in dichten
45
als een onbedout nae perfectie
 
Loff teken van Tau suet int besichten
 
Lof dauids herpe des hemels melodie
 
Loff aarons roide ontloken seer wije
 
Lof goods scriftuere hoert myn vermaen 47-49
50
want een suuer maecht soe sijt ghije
 
Loff maria sonder erfsonden ontfaen 51
 
 
 
Sonder sonde waerdij off enighe smette 52
 
ontfaen mits tgodlyc toe doen reyn violette
 
in v moeder anna hoort goods gheschien 54
55
Tbleeck bijden boom die stont int nette
 
die nabugodonosor sach dwelc ic sette
 
onder danielen tverstant van dien
 
Desen boom waerdi maria rey om sien
 
welck boom droech cristum edel int bloijen
60
Ghy waert den wyngaert daer wy moeten toe vlyen
 
+die astrages sach wt synder dochter borsten vloyen 58-61
 
By ghelyken vol suuerheit neemt dit beuroijen
 
loof ic v hoechelyck nae myn verstant
 
Inghelen menschen v te moeyen
65
gheen menschelyke tonghe men oyt en vant
 
die v te vollen ontbant / v sonder sonden want
 
God wilde een reyn woonstee beslaen
 
dus segic warachtelick reyn moeder playsant 68
 
Loff maria sonder erfsonden ontfaen 69
 
 
 
Princhesse
 
 
70
Helpt bidden uwen kinde
 
dat wy mits v reynicheyt ons sonden dwaen
 
op dat ghy my te baten coomt int inde
 
Loff maria sonder erfsonde ontfaen 73

Vorige Volgende