Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende


Refereijn XCIV Es dit niet ter werelt een paradijs Daer man en wyf in liefden vereent sijn en sy malcanderen hertelike minnen En alle ghenuechte in hen versteent sijn als sy van deen dander syn wilt dit versinnen 5[regelnummer] Gheen ghenuechelyker dinck ter werlt binnen dan man en wyf ick segt v claer Als sy malcanderen eendrachtelic kinnen tes een hemelsche melodie dats waer Coomt een man van buten ou lief sydij daer 10[regelnummer] dats deerste groite die een man ontfeet Ga naar margenoot+Al waer hy dan van herten noch eens soe swaer hy moeste wel ghetroost syn al waert hem leet Seyt sy dan lief coomt sitten tis al bereet ic sal v v gherief doen myns herten iolys 15[regelnummer] Es dit niet ter werlt een paradys Tes een paradys dat altoos cluchtich es als man en wyf tsamen in liefden treden En als dan die man sieck of suchtich es en hem thooft sweert / twyf sweren die leden 20[regelnummer] Dan seyt sy ter stont lief syt toch te vreden en verlicht v herte en maect enen moet Ga naar voetnoot21
[pagina 184]
Noch hadic my lieuer die doot bescreden dan v te verliesen myn alderliefste soet Dus segt wat v es en spaert geen goet 25[regelnummer] ic sal v segt helpen myn liefste ghepresen Een man dit horende / peyst wat de liefde doet wort dan van herten ter stont ghenesen Van vruechden verlichten hem aderen en peesen doer die soete woorden syns liefs bewys 30[regelnummer] Es dit niet ter werlt een paradys Als dees twe dan van als ghewaecht hebben soe wordet tyt dat sy slapen souwen Dan eest liefken ic sou v gheuraecht hebben of wy tsamen te bedde gaen wouwen 35[regelnummer] Dan seyt sy iawy lief gawy in trouwen ic bin bereet mits der liefden die my dwingt Ga naar margenoot+Dan gaen sy malcanderen in darmkens douwen soe dat van vruechden syn hert ontsprinct Alle amoruese geesten ouerdinckt 40[regelnummer] wat vruechden moet daer syn in dit vermeijen Ga naar voetnoot40 Tot smorghens als dan den dach op dringt soe nemense orlof onder hen beyen Al cussende al tockende dat sy scheijen ghelyck ionghe kinderkens tes hen auijs 45[regelnummer] Es dit niet ter werlt een paradys Prinche Ghy en hoordes noyt vermonden daer dusdanighe liefde iet veel gheschiet Noch ic oock voorwaer tot ghenen stonden Ga naar voetnoot48 want certeyn ten ghebuert tonsent niet 50[regelnummer] Nochtans eest altmet goet / mer meest verdriet myn wyf en past op my niet een luere Dus woon ick achter diet wel besiet
[pagina 185]
nochtans sonder my en canse achter noch vuere Spreeck ic een woort soe seytse steect v duere 55[regelnummer] gaet henen slapen vuyl droncken ghijs Dan prysick op myns refereynkens tenuere Es dit niet ter werlt een paradys	margenoot+ Fol. 117 (cix) voetnoot21 de t van verlicht boven den regel bijgeschreven. margenoot+ Fol. 117^v (cix^v) voetnoot40 de r van vruechden boven den regel bijgeschreven. voetnoot48 de v van voorwaer een onvolledige w

Vorige Volgende