Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende


Reffereijn LXXXVIII Ga naar margenoot+Es dit niet ter werelt een paradijs Noijt paris en mochte viennen soe lief hebben noijt en mocht troylus breseda soe minnen Ga naar voetnoot2 Noijt en mocht trijtram in sulcken gerief debben als twe gehoude amoruese sinnen 5[regelnummer] In liefde blakende en getrouwe kinnen malcandere deylende tsoet en tsuere Die man verblyende in synder weerdinnen en sy des ghelycks in syn pointeratuere Minlyc int wesen gheentyt suere 10[regelnummer] niet cutevoghene int vechten int tocken Helzen cussen duijsent werf op een ure een schoon doixken somtijts gestelt opt croken Venus helpt daer tvier der minnen stoken malcanderen helzende om den prijs 15[regelnummer] Es dit niet ter werelt een paradijs Om rachel diende iacop xiiii iaer lanck liefde heeft wonder te werlt gebrouwen Priamus doer tisbe bleef int misbaer stranck en sy desgelijx doer tdeerlick aenscouwen 20[regelnummer] Dus prijsic dan tusschen mans en vrouwen
[pagina 171]
den huwelijken staet doer tsoet ghebruijcken Ga naar voetnoot21 Gheen minlijker werck en machmen ontuouwen dat tsolaes tusschen dese soete struijcken Sy sceppen te samen iolyt met cruijken 25[regelnummer] doer tminlic opsien lachen en singhen Ga naar margenoot+En sy dan achter die gaerdynkens duijken daer sietmen houeren bancketten voert bringhen Ghenuechelike woorden hen daer met minghen soe datse bayen inder vruechden rys 30[regelnummer] Es dit niet ter werelt een paradijs Cupido coomter syn vierich strael schieten duer die vreedsaemheijt in hen geplant Eere ghemack sietmen daer principael vlieten oueruloidelic in minnen playsant 35[regelnummer] Pays verdrachelicheyt dit is den bant des huwelycks in eeren gheseten Betamelyke reynicheyt aen elcken cant altyt euen blije dits hen vermeten Van onpeyse gheen tyt willen weten 40[regelnummer] malcanderen gehoorsam sijn tot alder tijt Die lachende mondekens geen tyt vergheten es dit niet een vruecht een ewich iolijt Die cuskens hem scenckende voer syn inbyt mitten rode lippekens hem geuende tsys 45[regelnummer] Es dit niet ter werelt een paradys Prince Als die vrouwe van kinde beurucht gaet Ga naar voetnoot46 dan dinckt de man laes het moet huer dit verwegen Wt melydene dat hy soe beducht staet tot dat sy van kinde is gheleghen 50[regelnummer] Ga naar margenoot+Als dan tkint syn kersdom heeft gecreghen en dat op en groijende dees ionghe iuecht En tot alder ghesontheyt is ghenegen
[pagina 172]
noyt blyscap meerder noyt volmaecter vruecht Als sy tkint aenscouwen hen siele verhuecht 55[regelnummer] mits dat ter goeds eeren op es groyende Soe dat op wast in alder duecht elc mit vruechden hem des vermoijende Tvier der minnen werdt dan eerst gloyende doer tvredelick leuen in dit auijs 60[regelnummer] Es dit niet ter werlt een paradys	margenoot+ Fol. 109 (ci) voetnoot2 de t van mocht boven den regel bijgeschreven. voetnoot21 de r van ghebruijcken boven den regel bijgeschreven. margenoot+ Fol. 109^v (ci^v) voetnoot46 de eerste u van beurucht verb. uit r margenoot+ Fol. 110 (cii)

Vorige Volgende