Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende


Reffereyn LXXXIV Ja wisten wy hoe wanneer oft waer Blyft euwich / dan ewich / tot ewighen tyen sonder vermijen moeten wy dan steruen / noyt deerliker woort Euwich / blyft euwich / deen tot verblijen 5[regelnummer] int hoechste / dander in diepste tot lijen fel int anstrijen weemoidicheyt / siel en lyf doerboort Goet / scoonheyt / noch cracht / en mach ons confoort uvre dach noch tyt / tsegghen tsteruen verlinghen 10[regelnummer] haer felheyt bedwinghen Out / ionck / ryc / erm / syt al versmoort ontfermen was noyt van haer ghehoort wy moeten al nae haer pypen springhen Haer sancksken singhen 15[regelnummer] Niemant en mach teghen haer verdinghen wy moeten te samen tot haerder feeste vruecht blyscap solaes die thert omuinghen Ga naar margenoot+can sy af bringhen mit bitterheyt minghen Ga naar voetnoot19
[pagina 162]
20[regelnummer] wy moetent al laten dminste en dmeeste Twaer nochtans om lyen / met blyder geeste tot steruen ons gheuende / ick seght v claer Ja wisten wij hoe / wanneer / oft waer Daer en is way gheen helle nae dit leuen 25[regelnummer] noch suchten / noch beuen cleen ontsien leit ons dit claerlick voor oghen Waert alsmen daghelicks vint bescreuen hoe soude wy moghen in quaetheyt verheuen soe swaerlick sneuen 30[regelnummer] siel ende lyf brenghede in swaren doghen Grote vreese is ons lacen ontoghen wij willen mit atlas den hemel winnen babilon beminnen van mathusalem maken wy ons prologhen 35[regelnummer] Int eynde sellen wy ons vinden bedroghen die doot die es ons by eer wyt versinnen wel hem diet bekinnen ter werlt wij nouwelyck tleuen ontghingen steruen is ons op die lippen gheseten 40[regelnummer] Catho / lachesis / atropos spinnen altyt te binnen Ga naar voetnoot41 met nijeghe vinnen mer verholen bliuen ons haer secreten Seer troostelic waert vaet mijn vermeten 45[regelnummer] Ga naar margenoot+al moeten wy steruen tsy vaer oft naer Ja wisten wy hoe wanneer oft waer Wy en weten niet hoe / tes waerheyt bloot noyt mensche soe groot die hier af heefft kennis ghecreghen 50[regelnummer] Wy syn al slym wter erden scoot een oorspronck hebbende / subiect de doot sonder wederstoot
[pagina 163]
mer die manieren sijn vreemt gheleghen Was cresus niet aen een galghe ghesleghen 55[regelnummer] syn salicheyt settende / op syn groot goit Ga naar voetnoot55 pompeus voorspoit was die oock niet oneerlick verteghen Hector van troyen noyt vromer deghen hoe subyt was hy onder die voet 60[regelnummer] hoe mach ons moet soe lichtuerdich syn ja sonder behoet dat wy nu steruen soe luttel vresen Wy leuen god betert in sonden verwoit waer wy varen niet vroit 65[regelnummer] mer in duechden soet tgoet leuen sal tsteruen saen sijn ghenesen Het steruen waer altyt wel ghepresen alle ons crancheyt eyndt sy dits openbaer Ja wiste wy hoe wanneer of waer Prinche 70[regelnummer] Wie weet oock wanneer vruech of spade Ga naar margenoot+sonder ghenade als tsteruen coomt soe moet syn ghestreden Wel hem dien dan los van quade de werlt ghestoruen is tot sviants scade 75[regelnummer] na paulus rade dies siele sal rusten in groten vrede Ter wylen wy vroom syn en sterc van leden laten wij ons doch tot duechden spoijen die sonden wt roijen 80[regelnummer] mit penitencie tlichaem duersmeden Die tyt van gracien wel besteden laet ons goeds wille doch leeren beuroyen den viant verfoyen god sal ons inder euwicheyt goijen 85[regelnummer] mit deeuwich leuen sonder beswycken
[pagina 164]
Daer vruechd en solaes altyt sal groyen jolyselyck bloijen sonder vermoijen alst wter scrifturen claerlyck mach blijken 90[regelnummer] Vrese soude wel wat moghen wycken tghepeys modererende van steruen seer swaer Ja wisten wy hoe wanneer of waer	margenoot+ Fol. 104 (xcvi) voetnoot19 de laatste t van bitterheyt boven den regel bijgeschreven. voetnoot41 te boven den regel bijgeschreven. margenoot+ Fol. 104^v (xcvi^v) voetnoot55 na salicheyt is ste doorgehaald. margenoot+ Fol. 105 (xcvii)

Vorige Volgende