Refereinenbundel, Anno 1524
(1930)–Jan van Stijevoort–
Auteursrecht onbekendReffereijn LXXV
| |
[pagina 144]
| |
goij bootsen maecte / in wercken en vraken
Een vrouken wetende dat die ghesellen
5[regelnummer]
vrindelick syn hoort dit vertellen
riep hem naerder om amoruese saken
sy droncken den wyn mit vollen taken
doen wou sy hem in huer camer trecken
Die sot vraechde wat sou ic daer gaen maken
10[regelnummer]
neen daer niet en later niet me gecken
Ghy moet gaen slapen ic sal v decken
seijd. sij / eest dat ghi mij niet en veriaecht
Ja vraechde de sot seldi my ooc wecken
lachende antworde die zeentsche maecht
15[regelnummer]
Keren wey wey ja wat ghy al vraecht
Alsoe saen als die door was ontdaen
hy vraechde waer hy sou slapen gaen
of voer of achter of dwers of lancks
Sy seyde hier suldi ligghen saen
20[regelnummer]
in myn ermkens wel aen wel aen
neuen myn syde sonder veel ghedrancks
Ter stont spronc hi int bedde hoers ondancks
mit cousen mit scoen al onghereet
Sy tooch hem wten.bedde eensgancks
25[regelnummer]
Ga naar margenoot+ en ha mit hem veel leets god weet
Hij gheliet hem wel sy sprack seer heet
doet v hemde wt wantet mij mishaecht
Moet ic dan slapen sey hy naect sonder cleet
sy seyde / mit hemd altyt gheplaecht
30[regelnummer]
Keren wey wey ja wat ghy al vraecht
Sij de soe veele dat sij hem naect heeft
ghecreghen / en by hem gheraect heeft
want sy een was van venus dieren
Hy scheen roncken mer hy ghewaect heeft
35[regelnummer]
sy custe speelde / dies sy soe ghemaect heeft
dat sy vischten in venus riuieren
Dsotken hiel altoos sijn sotte maniere
en spronc af al naect recht als een loiten
| |
[pagina 145]
| |
Tvrouken liep hem nae en ginck hem bestieren
40[regelnummer]
en cleede syn lyf en schoide sy voiten
Sy gaf hem een suypen om syn versoeten
en heeft hem weder sanderdaechs ghedaecht
Hy sey sal ic mit v noch slapen moeten
sy sprac / menende dat hy was versaecht
45[regelnummer]
Keren wey wey ja wat ghy al vraecht
Prinche
Cleet v int sotte wilt hier aen leeren
Ga naar margenoot+soe moechdi oock uwe vruecht vermeeren
ghelyck dit sotken creech auentuere
Tsanderdaechs most hy weder om keeren
50[regelnummer]
soe nam hy syn beste syden cleeren
en quam daer drincken houwende syn ure
Het docht tvrouken noit beter cure
dat hy ghelyck was sommighe lien
Hy seyde vrouken schoon figure
55[regelnummer]
ghij siet op my wat macht bedien
Heer sprac sy latet secreet gheschien
en voorts v meer vraghens verdraecht
Ja vrouken hebdi my noyt sot gesien
sy sey eest daer af niet ghenoich gewaecht
60[regelnummer]
Keren wey wey ja wat ghy al vraecht
|