Refereinenbundel, Anno 1524
(1930)–Jan van Stijevoort–
Auteursrecht onbekend
[pagina 99]
| |
5[regelnummer]
Of al waer ic nu als absolon schone
Ga naar margenoot+al haddic alle salomons wysheyt te loone
virgilius conste mathusalems jaren
Soe en soudict al achten niet wert een bone
mocht my tghesichte myns liefs niet naeren
10[regelnummer]
Sonder haer bywesen moet my therte beswaren
al ben ic in gheselscap daermen lacht en speelt
Van buten thoon ic vruecht mer sonder sparen
tghelaet is blij maer therteken queelt
Al sie ic bancketten reyn mommerijen
15[regelnummer]
al sie ic vrolick dansen ende springhen
In liefs absencie tot menighen tijen
tdunct mij druck van binnen sonder vermijen
al moet ic my van buten ter vruecht bedwingen
Natuer verbiet dat mer sij moet gehinghen
20[regelnummer]
op dat niemant en sou mij lijden mercken
Waert dat sommich wist mijns drucks omringhen Ga naar voetnoot21
hoe ende waerom tsou haer vruecht verstercken
Als ic myn lief sie op strate of ter kerken
en mynen druc haer blyft duer anxt geheelt
25[regelnummer]
Al scynen vrolic van buten alle myn werken
tghelaet is bly maer therteken queelt Ga naar voetnoot26
Ga naar margenoot+Al sie ic steken breken ende tornieren
al sie ic elcks herte tot vruechde gheneghen
Al sie ic vlieghen iaghen nae wilde dieren
30[regelnummer]
al sie ic allent solaes der werlt hantieren
en ic moet dat volghen nae tyt ghelegen
Therte blijft becommert in alle weghen
van binnen ouerdinkende talder stont
Die edelheyt myns liefs vol alder seghen Ga naar voetnoot34
35[regelnummer]
haer wel gemaectheyt van leden haer borstkens ront
| |
[pagina 100]
| |
Haer schoon geel haer haren lachende mont
haer blosende wanxkens van god beweelt Ga naar voetnoot37
Dits vruecht mer derf ic al hadic dusent pont
tghelaet is bly maer therteken queelt
Prinche
40[regelnummer]
Syn herte queelt wel by redene
die lief moet deruen teghen synen danck
Dus pijnt v liefde soe te bestedene Ga naar voetnoot42
dat v liefs liefde pynt te vredene
want tis quaet synde onder venus bedwanck
45[regelnummer]
Sonder troost te verweruene int cort of lanck
dats een pyne griecelyc bouen alle pijnen
Wie ghemist te drinken liefs troostich dranc
leeft een leuen dat hertsteec moet verdwynen
Ga naar margenoot+Liefs troost is crachtigher dan medecijnen
50[regelnummer]
voer amoruese herten mer thert verueelt
Hebdi troost en segt dan tot ghene termyne
tghelaet is blij maer therteken dat queelt
|
|