Refereinenbundel, Anno 1524

Reffereyn IL
Wat moet hij dan sijn diet al verleent

Als ic int herte merke alle wondere
die wercken goeds en elc stuck bisondere
tfirmament en den loop der natueren
locht vuer water en deerde hier ondere
wint reghen snew dow blixem en dondere
en elc in sijns virtuijts vol dueren
Dach ende nacht tyt wijl en hueren
maene en sterren inden hemel aldaer
en coirs der planeten berueren
ghescepen tonsen ghebruyken eenpaer
⁺En dedel sonne licht en claer
die alle corruptie suuert en reent
soe mach ic wel vraghen int openbaer
wat moet hy dan syn diet al verleent

Voert merck ic int sien des smeys virtuijten
die cruden wassen die bloijmkens ontsluijten
ende alle bomen staen lustich en groijne

+ Fol. 63^v (lii^v)

[p. 94]

 

Die velden verciert mit groinen spruijten

 

beemden bosschen binnen en buten

20

becleet mit bloimen dan int saysoijne

 

Van alle colueren in lustighen doine

 

soe datter elc herte by mach ghenesen

 

En die voghelkens singhen auont en noine

 

doer die minlicheyt des tyts ghepresen

25

Dan denck ic is dit soe wt ghelesen

 

dat daensien der herten druck vercleent

 

duer tscieraet der creatueren weesen

 

wat moet hij dan sijn diet al verleent

 

 

 

Diet al verleent daelmoghende heere

30

is oock bescouwelic loss van verseere

 

in coninghen princen groot van machte

 

Ende in alle statelyke eere

 

in alle triumphen in gulden cleere

 

in schoonen personen daer thert op lachte

35

⁺En voerdaen in alle dinghen

 

wes god van aenbeghin ye ghewrochte

 

in herpen luijte fluyte en singhen

 

En in sueter melodyen omringhen

 

daermen somtijts van rechten vruechden weent ³⁹

40

dan denc ic can dit sulcken belieuen bringhen

 

wat moet hi dan syn diet al verleent

 

 

 

Prinche

 

 

 

Diet al verleent laten ons louen

 

om dat wi van scanden onwereent

 

al salich moghen comen hier bouen

45

in glorien by hem diet al verleent

+ Fol. 64 (liii)

39 de ch van rechten verb. uit g