Refereinenbundel, Anno 1524

Refereijn XXXVIII
Ende gruetse mij seer die ic noyt en sach

Myn alderliefste die ghi wel kent
bloem excellent al mach icker wesen verkeren omtrent
ic en hebse mit oghen noyt ghesien
⁺Nochtans hout sy my in minnen verblent
dus geeft consent dat myn lyden ende myn torment
corts mach verkeren in melodien
Mochtet my gescien solaes ghi weet wel lief van wien
soe en saghen myn oghen noyt blyder dach
Ic bidde wiltse niet doch soe castien

+ Fol. 51 (xl)

[p. 74]

10

oorboort angien so lust raect laet genuechte plien

 

ende gruetse my seer die ic noyt en sach

 

 

 

Ghi houtse bedwonghen onderdaen subiect

 

voer mij bedect doer lust en appetijt verwect

 

van spijse doet ghijse abstineren

15

Hoe ghyse meer vander spysen trect

 

of hoe ghi ghect hoe hoeren honger meer was perfect

 

ende myn ionst ontstect doer v corderen

 

Het is een tempteren voer mij tonberen

 

om daer te deruen die ic niet sien en mach

20

Wie sel hem op tscoonste blant fonderen

 

het is al abuseren dus wilt myn eerste bede consenteren

 

ende gruetse my die ic noyt en sach

 

 

 

Dus spreect den besten ende verleent my een goet woort

 

ende doeter appaert an haer ghi worter bet gehoort

25

dan yemant die ic ter werlt weet

 

Ouermits dat ghise meest seluer oorboort

 

dus maect een accoort tussen haer ende my dat ic confoor

 

mach vinden ghi weet al haer secreet

 

⁺Ic bin bereit te lyden meer dan oyt minner leet ²⁹

30

doe haer ic noyt by en lach

 

Bruijn simpel mit rouwen is si ghecleet

 

wat suuer breet haer naem ghi weet wel hoese heet

 

dus gruetse my die ic noyt en sach

 

 

 

Prinche

 

 

 

Princesse ghi wiltse mit clessen grueten

35

sy mach ouer v wel doen gheclach

 

die en souden haer commer niet connen gebueten

 

mer als ghyse hantuast hebt in moeten

 

soe gruetse my seer die ic noyt en sach

+ Fol. 51^v (xl^v)

29 na ic is mer doorgehaald.