Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende



[pagina 66]
Refereijn XXXIII Die loon sal v die pyn versoete EEn lappighe vrouwe van daghen out quam tot een scoinlappers huys ghegaen Scoinlapper seyt si van herten bout soudi my willen een werck bestaen 5[regelnummer] Ja ic in trouwen ic wilt gern ontfaen ghenen last en mach mij verdrieten Brengt dat ghi hebt het wort gedaen al soudicker half den aerbeit in schieten Neen ghi lapperken ghi selter aen ghenieten 10[regelnummer] doeghet wel ende mit goeder moeten Dleer is droghe ghi moetet beghieten Ga naar margenoot+meesterlic nayen ende een stuck in schieten Den loon sal v die pyn versoeten Die lapper sprack legghet werck voer oghen 15[regelnummer] mynen meester soudi qualic connen vinden Ga naar voetnoot15 Die louije vrouwe sprac ic wilt v toghen soe wilt v te stoppen bevinden Byloy vrouken ghi moech wel elders toghen dleer is mij veel te droghe ende te hert 20[regelnummer] Oec soude ic daer alle myn naelde in schinnen oec ist also droghe al waert een bert Smoutet tot dattet mouter wert uwen aerbeyt sal myn pyn voeten Nayt herwaerts lapperken aen die schoere 25[regelnummer] en nayter een stuckskens leers voere Die loon sal v die pyn versoeten Oude leer lappen tis groot pijne mij heeft wonder dat die menighe besuert Tian ic lietse legghen al waersij mijne 30[regelnummer] twerck heeft mij te langhe gheduert
[pagina 67]
Het is gherompelt ende seer gheschoert wat batet datmen seer lapt of loort hoe meer ghenaijt hoe groter gat Och lapperken sydi nu nayens mat 35[regelnummer] ic hadde gern wat bad gehadt Ga naar margenoot+mer ic moet my lyden goy scamel loiten ghy syt wel moede ende nat die loon sal v die pyn versoeten Prinche Crancke lendenen ende doncker oghen 40[regelnummer] Soude ic van sulcke wercke layen Biloi vrouwen ghi moecht v leer wel elder toghen want ic en sal v nemmermeer naijen Myn oghen besijpen mij myn hooft gaet drayen quader werc en quam my noit te handen 45[regelnummer] Swicht lapperken spelt tonghen van tanden peynst vriendelike wercken gaen voer groeten Ga naar voetnoot46 Lapperken weest goederhande ic sal v lonen als ic can al soudic versetten al myn pant die loon sal v die pijn versoeten	margenoot+ Fol. 46^v (xxxv^v) voetnoot15 de s van soudi verb. uit d margenoot+ Fol. 47 (xxxvi) voetnoot46 de e van groeten boven den regel bijgeschreven.

Vorige Volgende