Refereinenbundel, Anno 1524

Refereijn VIII
Lief verre van lief gheen meerder pijne

O Twyfel ghi doet my hopen ontglyden
droefheyt stryden wilt my doersnijden
O herte wat moechdi van mynen lyden
doer dit becueren
O venus hoe laty dus henen ryden
al myn verblyden ic mach wel benyden
liefs deruen ende sceyden vermaledyden
tot allen uren
⁺O bitter trueren vol van dolueren
myn herte leyt besloten tusschen dusentich mueren
doert deruen van lieuen moeten herten scueren ¹¹
noijt dus gheuaen
Doer liefs vermaen is al een traen
myn oghen moghen wel taenschyn dwaen
seggende mit eenen beweenden aenschyne
Lief veere van lief gheen meerder pyne

Hoe mach daer iemant tot vruechden syn gehelt
my siende gequelt wiens herte dat smelt
als snee in sonne ben ic onstelt
doer venus aenbrenghen
O bloemkens hoe kondi met groten ghewelt

+ Fol. 21 (x)

11 deruen boven den regel bijgeschreven.

[p. 24]

 

ghespruten int velt tfi goet of gelt

 

al niet ic bliue in drucke versmelt

 

doer lieffe verlyghen

25

O fonteynkens hoe kondi die aderen doerdringen

 

lustich ghespringhen op ander dinghen

 

O ceres godinne hoe kondi gehinghen

 

dat vruechden bloyen

 

Daer ic moet royen in druck verwoyen

30

vol van ghepeynsen myn sinnen vloijen

 

seggende mit allen die in druck verdwyne

 

Lief verre van lief geen meere pyne

 

 

 

Hoe mach dan iemant syn hert verlichten

 

⁺of vruecht gestichten mit blyden aensichten

35

daer ic moet alder genuechten swichten

 

vol der dolacie

 

Therte is doerscoten mit venus scichte

 

vol swaerder gewichten musyc noch dichten ³⁸

 

en moeghen my gheen vruecht op richten

40

tis al temptacie

 

Och had ic die gracie ure of spacie

 

haer dagelicks te seynden een salutacie

 

dat waer mynre herten een iubilacie

 

die juuste betoghen

45

Die wy soe dickwils hebben gheploghen

 

moet nu als water in sonne verdroghen

 

dus mach ic wel seggen te lesten termijne

 

Lief veere van lief gheen meerder pijne

 

 

 

Prinche

 

 

 

Princesse godinne vol alder ghenaden

50

wilt my beraden ick ben beladen

 

staet uwer ermen dienaer in staden

 

bloem excellent

 

Al moet ic voer v in drucke baden

+ Fol. 21^v (x^v)

38 na swaerder is ghedichten doorgehaald.

[p. 25]

 

sal ic versmaden der minnen graden

55

neen ic mer ic salt doerwaden

 

al ist tormient

 

Hoe druc miy scent waer ic present

 

myns liefs soe waer my druc geent

 

Mer ic vinde bescreuen in venus doctrijne

60

⁺Lieff veere van lief gheen meere pijne

+ Fol. 22 (xi)