Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende


Refereyn VI Tfy uwer ende alle die onghetrou syn Tffy minne tfy liefde tfi al dat leeft Tffy vruecht tfy alle melodie Tffi v doer wien myn hert dus beefft Tfy v die my dus valschelick bedraghen heeft 5[regelnummer] Tfij blyscap ghi stinckt ghelyck een prye Ga naar voetnoot5 Tfij v die my mit groten mije Soe vyleynich bebt bedroghen Tfy v die thert stelt aen een ander sije My latende mit swaren druck doeruloghen 10[regelnummer] Ghy waert die liefste die ic mit oghen Myn leuen oyt sach dies moet ic in rouwe syn Mer nu vinde ic v woerden al ghelogen Tfy uwer ende alle die onghetrouwe syn
[pagina 20]
V dunckt ghi hebt nu v scapen opt droge 15[regelnummer] Om dat ic in druck bin dus pijnich In trouwen al sydi in vruechden hoghe Ic moet dit scryuen by uwen gedoghe Mit eynre heter daet is verdwijnich Mer therte van v is venijnich 20[regelnummer] Ontscamel valsch menedich versworen Vol loosernijen in duechden schijnich Ga naar margenoot+Noyt onghetrouwer en was gheboren Des ic laes hebbe mut pyne verloren Want my hert moet tuwert in goeder vouwe syn 25[regelnummer] Des ic noch segghe ghi moetet horen Tfy uwer ende alle die onghetrouwe syn Als ick wil hadde soe wast al liefkijn Tis tuwen ghebode groot ende cleene Mer ongenoecht hout my int griefkijn 30[regelnummer] Twaer al verloren scryfdi een briefkijn Ghi laet mi in dat druck alleene Pouer regiert nu my in weene Des blyfic onghetroost seer clachtich Van v mer hadic veel goedts te leene 35[regelnummer] Alsoe ic hier voertyts hadde warachtich Ghy soudt my te troostene bet syn gedachtich Al moete den troest nu te mywaert nauwe syn Mer myn boerse is nu ledich onachtich Dies segic al ben ic druck verpachtich 40[regelnummer] Tfy uwer ende alle die onghetrouwe syn Prinche Tfy laeck ende wrake princesse wreet Roeche berdeel brocke fel ende vijleijnich Dat ic v noyt minde mit herte alsoe heet Rout mij mij en was noyt dinck soe leet 45[regelnummer] Gheen valscher ter werlt weet ic certeijnich Doer v is alle myn blyscap weijnich Ghemaect mer trouwen ic machs ghenesen
[pagina 21]
Ga naar margenoot+Gheliefdet maria der maget reijnich Mynen sin mocht wel verkerich wesen 50[regelnummer] Van ergher van quader en was noit gelesen Dan ghi syt ende moet dusent vout syn Sy hadden onrecht die v seer presen Want v duecht en mach niet gelyc de gouwe syn Tfy uwer ende alle die onghetrouwe syn	voetnoot5 de tweede t van stinckt boven den regel bijgeschreven. margenoot+ Fol. 19 (viii) margenoot+ Fol. 19^v (viii^v)

Vorige Volgende