Refereinenbundel, Anno 1524 (1930)

Refereinenbundel, Anno 1524

(1930)–Jan van Stijevoort– rechtenstatus

Auteursrecht onbekend

Vorige Volgende


Aliud IV Het is een goet scutter diet al gheraect EEn voetbooch scutter slap int gereck Ende qualick gestelt liep sonder toeuen Tot eenre vrouwen ende claechde syn gebreck Segghende hi soude haer bystant behoeuen 5[regelnummer] Dat is dat hi een scoet of twe mocht proeuen Opten doil die voer onder stont Het vrouken sprack god wil v bedroeuen Soudi daer om bidden dats my een vont Proeft dick genoech sydi anders speels cont 10[regelnummer] Mer hout den doil vast wat ghi doet Schiet niet besyden ic segt v goet ront Ga naar margenoot+Men soude v scelden ic bens wel vroet Stelt v naden rinck dat dunckt my goet Ghi wint den prys ist dat ghi die pinne genaect 15[regelnummer] Ende of ic eens misse sprack hy erm bloet Sout ghy my begripen om enen voet Het is een goet scutter diet al gheraect Hi spien vrolicken ende liet hem den coker houwen Hy leyde in mer syn pyl was veel te cleene 20[regelnummer] Si meende hem den steec te gaen wysen in trouwen Mer tquammer al qualic tslot ginc alleene Hi scoot buten doil ten docht haer niet reene
[pagina 15]
Si wort gram ende stoorden haer bouen maten Tis recht sprac tvrouken dat ic v verbeene 25[regelnummer] Soe veel te cort te scieten soudic haten Beyt vrouken sprac die scutter wilt v saten Ic salt saen beteren soe ic wane Hi weder scoot mer luttel tot synre baten Twas sleeps dus bestont si scimp tontfane 30[regelnummer] Nu raect my sprac sy tisser nau ane Schiet bat of ghi woert hier confuys gemaect Beit vrouken sprac die scutter hoert my vermane Tes selden daer en pleech yemant wel mis te gane Het is een goet scutter diet al geraect 35[regelnummer] Hi spien noch eens doen riep sy ou maetken Ga naar margenoot+Keert v om leert hier die maniere Als ghi den pyl treckt soe stopt dat gaetken Soe en ist gheen noot datmen v calengiere Wel vrouken sprac die scutter hoe dat ic my tiere 40[regelnummer] Ic sal my van sulcken fouten scuwen Hy stelde hem soot bleec om te scieten sciere Staet vast riep hi elc mochter af gruwen Mer lacen hi en constet niet of geduwen Hi bleef daer staen tslot hiel te vaste 45[regelnummer] Al haddi den doel mit oghen aenscuwen Ten baten niet wat hi duden of taste Vertrect seydsi blou scutter ghi maect mi tonraste Ghi en syt niet doiluast wat batet gehaect Beyt vrouken sprac hi legt mij niet te laste 50[regelnummer] Al wast dat ickes niet en paste Het is een goet scutter diet al gheraect Prinche Tusschen hem beyden is grote twist geresen Om tort dat hi dede eer hi ghinck Hy scoot achternae mit die loeghepeese 50[regelnummer] Dat speet haer meer dan enich dinck Sciet ghi mitter loghepeesen naden rinck
[pagina 16]
Sprac tvrouken snoy vuyl kalant Van alle scutters die ic oyt vinck Ga naar voetnoot53 En quammer noyt gheen aen mynen cant 55[regelnummer] Sy nam synen coker in haer hant Si deden onder haer slippen poten Ga naar margenoot+Vertrect seydsi blou scutter ic heb verstant Ghi moecht wel elders om proeuen coten Want ghi hebt uwen besten pyl verscoten 60[regelnummer] V booch is crepel ende v windaes craect V pyl is verteent si valt wter noeten Dus seg ict diet lang heeft verdroten Het is een goet scutter diet al gheraect	margenoot+ Fol. 15^v (iv^v) margenoot+ Fol. 16 (v) voetnoot53 de v van vinck verbeterd uit een onvolmaakte w margenoot+ Fol. 16^v (v^v)

Vorige Volgende