Bevveghende Bevvysreden is, inde vvelcke men door vele exempelen van een selfde materie, de Saecke bethoont.
Verclaringhe.
ALs om te bewijsen dat alle Vier Heet is, men seght aldus:
Dit Vier is Heet, dat Vier is Heet, ghinste Vier is Heet, ende alsoo met yeghelick ander Vier,
Alle Vier dan is Heet.
Twelck een Beweghende Bewysreden is, alsoo gheseyt overmidts sy, hoe wel gheen Rechte sijnde, nochtans den aenhoorenden lichtelick beweecht te ghelooven haer besluyt.
Door dese Bewijsreden beprouftmen bequamelick de Beghinselen. By exempel, yemandt ontkent alle Deel minder te wesen dan sijn Heel, Men bewijst dat aldus:
Dit Deel is minder dan sijn Heel, dat Deel is minder dan sijn Heel, ende alsoo met yeghelick ander Deel,
Alle Deel dan is minder dan sijn Heel.
Si worden oock wel ontkennende uytghesproken, als:
Auteursrechtvrij