Bestaende, sijn Malcandertreffende, vvelcker een des anders Nootssaeckelick is.
Verclaringhe.
ALs Vader ende Kint, deen is des anders Nootsaeckelick, want sooder een Vader is, hy heeft nootsaeckelick een Kindt, ende wederom sooder een Kindt is, het heeft Nootsaeckelick een Vader, Vader dan, ende Kindt, ghelijck oock alle Bloedtverwandten, sijn Bestaende, dat is, soo wy ghemeenelick segghen, sy bestaen malcanderen, welcke eyghen maniere van spreecken, wy oock Ghelijckspreuckelick voughen, op der ghelijcken, als Cooper ende Vercooper, Ghever ende Ontfangher, Huerder ende Verhuerder, Geslachte ende Specie, Grondt ende Anclevende, Grooter ende Cleender, Meerder ende Minder, ende allen anderen dierghelijcken, alwaer d'een des anders Nootsaeckelick is, noemen wy Bestaende. Daer sijn oock Bestaende van eender name, als, sijt ghy mijn Ghebuer, ick ben wederom u Ghebuer, insghelijcx Medegheselle, Ghelijck, Onghelijck, &c. Daer wort inde definitie gheseyt, Welcker eene des anders Nootsaeckelick is, alwaer t'woort Nootsaeckelick, anghemerckt dient, want Peert ende Sale, ofte Mes ende Schee, ende dierghelijcke, en sijn gheen Bestaende, overmidts soo men seght
Auteursrechtvrij