Platbook 2. Ieëstelinge

[p. 36]

Marion Coenen, Zitterd
aom

wie loewt de vraog
wovan 't antjwoord
sjnit
dwaesj door
sjrevend wit
sjneewit laeve
zich wiek
nao deip duuster blauw
aom
razelt door de knäök
eine zuch
ewige roew vundj
gein gedachte
gein woord
gein vraog
gein sjtèlte
gein duuster
gein leich
gein laeve
geine aanvank
gein enj
gein antjwoord
gein angs
zuver vertroewe zeen
euveral
neit hie
wo tied wied is
ruumte

[p. 37]

 

zónger vórm

 

zónger vastigheid

 

zónger beteikenis

 

zónger bezej

 

zónger waeze

 

zónger mich