Platbook 2. Ieëstelinge

[p. 31]

Luc de Rooy, Stein
Breeffragmente

Op de helling net boete mien raam
Sjtrómpelt ein wit paerd nao baove.
Häör flanke aojeme.
Ze versjtilt
Es 't kaord róndj 't rechterachterbein d'r tröksjruk.

De höbs geliek, goje vrundj,
Ich vertèl dich neet alles:

Häör nate veutsjtep loupe nog op miene tegelvloor
Achter mich,
Wo ze niks taege mich zag.
Niks mjè zaet.

En ich, ich kiek nao boete
Nao dat witte paerd
Dat klump. Dat sjtrompelt. En sjruk.

[p. 32]

II.

 

Get wiejerop traent eine ziene vechhaan.

 

Hae hilt 'm ein handj baove de kamp

 

En truk dae trök es 'r aanvilt

 

Tot ze allebei meug beginne te waere

 

 

 

Es ze neet mjè reagere, zag 'r mich 's,

 

Kènne ze 't bèste aafgemaak waere.

[p. 33]

III.

 

Dao vilt de deur achter mich toe,

 

Terwiel ich nao boete blief sjtare.

 

 

 

Ze löp mich wo de buim neet sjtaon

 

Veurbie

 

En es ich opkiek zjwèjje de bananeblaar mit de wèndj mit.

 

 

 

Nei, ouch dat neet.