Mi kondre sani

[p. 10]

A gowtu fu kondre

Froisi a gudu
fu mi kondre
go na wan tra presi
sondro pai wan reti:
dati a no wan bigi sjen?

Dosudosu
den bromki
anga na busi.
Dosudosu mi sten
e gro tron wan bromkibon.

Na wan pré den seti
fu ori wi na ondro,
na wan pré
fu broko wi saka
teleki wi no warti noti moro.

Dosudosu
den bromki
anga na busi.
Dosudosu
den switismeri
e switi mi kra.

Wan dotipré
fu meki mi frustan
no man opo.
Wan dotipré.
Maktiman
nai mofo makandra.

Wi genti fu grontapu
fu portiwan
sa bondru wisrefi
kon na ipi.
Dan leki wi busibromki
grontapu sa kon wan.