Mi kondre sani

[p. 4]

Korentiwiwiri

Ala mi lobi gi ju korentiwiwiri.
Noiti ete mi firi sowan bigi prisiri.
Naleki pikinfowru di e singi na ini birbiri.
Sensdi mi de!

Fu ju broin anu te doro ju kindikoko,
mi ati e suku moi wortu, mi de na toko.
Hondro fasi ju jeje ori mi na ini joko
fu lobi nanga warti.
Mi respeki ju.

Ju fini sten na ini mi soktu na wan prenki,
na wan njun towboto nanga di mi e spenki
a son srefi, den furufuru bromki di no e denki
taki ju kan moi moro den.
Ne mi e kari ju nen gi den.

Fu di ala mi lobi gi ju na mi prisiri,
uma nanga ju broin skin, ju korentiwiwiri,
wortu no de nofo, prakseri, fu miri
mi grani gi ju.

Datmeki na ini osortu Sranandansi mi sa tantiri,
mi ati sa tan na ju gudu fu a kan firi
taki ju, nengreuma, ju na wan tumusi diri siri
di mi mu kweki di mi mu sorgu,
di musu opo mi na ini ala en bun.