Fri-kontren-sma

[p. 23]

A fosi dé fu mé

San skrifi
na tapu
a pren tide,
san skrifi tidetide,
na njuntenbari
na njun lukufesi.

San skrifi djaso tide,
manhati kondreman:
‘Wi ben pramisi
fu sutu
wan njun kontren opo.
Wan stéfi tjalansi
fu no tan fow.
A pe wi de now
na fu go na fesi.’

[p. 24]

_* * _*

Wi sa meki njun gendri.
Njun instrumenti.
Njun fabriki tu.

Wi sa meki njun pasi.
Wan brandnjun fasi fu libi
pe ala frodjadja frigiti.

Wan njun pikin fu Sranan
e gro kon
na ini a leti
fu tide.
Wan jongu Sranan
nanga krakti
di prisiri
di de na en krin dé.

Njun kanal, njun strati.
Sranan!
Ma nanga respeki gi en fositen!
Sranan, ju e weni!