Fri-kontren-sma

[p. 18]

Mi fri so frefre

Wan pikinfowru
sidon na ini en koi
anga na wan spikri
e njan en alési.
Wan trawan
na ini den kraka
fu wan manjabon e luku.

‘Stanko, ju abi
fu waka go so fara
fu go suku njanjan.
Alajuru sani kan miti ju.
Luku fa mi sidon dja
e njan so bun.
Watra nanga alési.
Te...... mi krin mi krosi.’
A naki wan singi,
en sten pré so moi.

A tra pikindoifi boigi:
‘Ija, mi sabi taki
angri e kiri mi.
Alasé pikinboi e waka.
Efi mi no kwik
gawgaw mi no de.
Ma mi kan go pe mi wani.
Nowan sma no e ori mi.’

[p. 19]

 

‘Bip!’ Nanga disi

 

a basi naki a doro.

 

A e kon.

 

A trawan na ini en koi

 

djompo moi

 

fu meki wan pikin pajasi.

 

A furu en borsu.

 

So a basi e wani si,

 

te a e kon so dan

 

a musu e jere

 

wan pikinfroiti.

 

 

 

‘Eheh? Na disi

 

na a switi libi di ju taki?

 

Ibri juru te basi kon doro

 

ju abi fu sidon moi?

 

Nono, mi no kan wani

 

de na ini nowan enkri koi

 

nanga switi alési

 

nanga watra.

 

Mi e tan fu mi na ini mi busi.

 

Mi kan boro, froiti alasé.

 

Gado de, mi musu

 

feni wan jepi.

(spotuman)