Fri-kontren-sma

[p. 15]

Den ten so fu 1712 di Cassard ben e fadon na Sranan tapu
Tu Srafu e taki wan tori

‘Brada Kofi,
mi jere taki wi kon fri.
Grantangi na Gado jere brada!
A gersi den kownu prakseri wi.’

Nomo a trawan
drai ensrefi, wan pikin-lafu
lekti en ai,
a piri en tifi:
‘Grantangi fu di den Fransiman
e kon djaso.
Srafu tan srafu.
Suma prakseri taki
na baka te alasani pasa
mi o drai kon baka
kori en krabjasi.
Adjosi, pranasi!

(Spotuman)