Fri-kontren-sma

[p. 1]

[p. 3]

Efi wi sa man tjari a kondre?

Ala a frede
e kon na ju tapu.
Den e bari sori ju
taki den e lowe.

Ju sa man,
ju sa man?’
someni trawan
fu den e aksi?

Sekseki
fu di trawan no de kontenti,
grubagrubafasi nomo
nanga wunjuwunju.

Toku mi bribi taki
wi sa go leki fa a fiti;
primisi pasi
na primisi pasi.
Wi ben e angri someni langa
fu feni a kondre
de fu ensrefi
fu a du san de bun fu wi.

Ju sa man,
ju sa man?’
someni trawan
fu den e aksi?

Kande fu di tra sma
o lasi a fosipresi fu de basi?
Kande fu di a tiri korostu
fu e teki a moni di e kon na ini
no o de?
Atibron no e meki bun pikin.
Datmeki nanga kowru-ati
wi e du:
Wi sa gi Sranan en presi
pe a fiti fu a de.

_* * _*

[p. 4]

_* * _*

Tja den kon baka
den pikin fu mi kondre.

So fara den go
taki wi no de moro?

Tja den kon baka,
den siri fu mi kondre.
No meki den e warsi jana
dan wi no de nowan presi.

Mi e bari hé, puru
a san de na tapu mi ati.

Tja den kon baka,
den pikin fu wi Sranankondre

_* * _*

[p. 5]

_* * _*

Den doti gotro
fu den diri sani
a no fu wi.

Wi tiri kondre
mu soifri.

Efi mi skin
ben kan de wan sroisi
fu arigwe
den krukiti
san e drai na wi sé
na wi mindri, alasé!......

Krin a doti gotro
fu den diri sani
na mi fesi, no......
Mi frimanprakseri mu soifri......

_* * _*