Een nieuw sangh-boeck, iuhoudende eenighe psalmen

[p. 278]

Een Ghebet Liedeken, om een vast geloove, liefde, hope, barmhertich herte, ende d' eeuwighe salicheydt te verwachten.

Op de wijse van den 103. Psalm Mijn Ziel wilt den Heere met Lof-sanck, &c.

⁺WYT hooch vermaert, is uwen naem o Heere
Boven al dat hier leeft, ende noch meere,
Dat sienlijck is, oft onsienlijck voorwaer
Dies coom ick nu met een herte ootmoedich,

+ Psal. 135 1,
mal. 1, 11
Psal. 113, 3,
Luc. 18, 13.

[p. 279]

 

Om mijn gebedt, o Godt en Heere goedich, ⁺

 

Voor u te draghen, als mijn lieve Vaer.

 

2. Siet nu doch aen, u dienstmaecht hier ter aerden

 

Voor u verneert, ghy groote God van waerden,

 

Dies wildt nu doch verhooren mijn ghebedt

 

Dat ick voor u o Heere sal uyt spreecken,

 

Gedenckt niet Heer op mijn groote ghebreecken

 

Maer opt aenschijn, van u ghesalfden leth.

 

3. Keert eerst o Heer mijn herte om u te vreesen

 

In al mijn doen op dat mach zijn ghepresen,

 

Vwen naem hoogh te loven eeu-

+ Bar. 2. 19
Eph, 3, 15
Luc. 1, 14
Matt, 15, 25,
Psa 102, 1,
psa. 88, 2,
Bar. 3, 5,
Psal. 84, 10,
Psal. 34, 10,
mat. 5, 16
Psa. 114, 19.

[p. 280]

 

wichlijck,

 

⁺Want niet alleen goedich, maer oock rechtveerdich

 

Zijt ghy o Godt in u wercken expeerdich,

 

Dies hoortmen u te vreesen alle ghelijck.

 

4. Een vast gheloof, o Heer wilt in my planten,

 

Dat ick my doch bewaer aen alle canten,

 

Voor valsche leer en 's Duyvels listicheyt,

 

s' Wereldts bedroch, en al des Vleysches lusten

 

Waer deur ick doch nimmermeer soude rusten

 

Maer volstandich blijve in eeuwicheyt.

 

5. Peynsen laet, my o God op uwer liefden

+ Rom. 2, 5,
Psa. 7, 12
Matt. 10, 26,
1 Pet. 5, 9
mat. 7, 15
Col, 2, 8
1 Io. 2, 13
Syr 40, 1
Matt. 24, 13,
1 Ioa. 3, 1

[p. 281]

 

Dien ghy bewees ons, doen ghy ons gheriefden ⁺

 

En ons verloste van des Duyvels macht,

 

Door uwen Soon, dien ghy ons hebt ghesonden,

 

Vyt s' Hemels Troon, en heeft al soo ontbonden

 

T' strick waer deur wy ter hel waren gebracht.

 

6. In de hoope dien ick o Heere drage

 

Tot den Troone daermen noydt eenich claghe

 

Maer niet als vreuchde ende blijdtschap hoort

 

Bevesticht Heer mijn herte t' allen tijden

 

Op dat ick volstandelijck my verblijden

 

Mach, en de Croon ontfanghen

+ Ioa. 7, 16,
Heb. 2, 15
Gal 4, 4
Col 2, 14
Eph 2, 13
Act, 24, 15.
Esa 64, 17,
Apo. 14, 3
Ioa, 14, 1,
Mat, 10, 22,
4, Esd, 2 43,

[p. 282]

 

onghestoort.

 

⁺ 7. BErmhertich Heer teghens elck een te wesen

 

Stiert oock mijn hert op dat ic doch nae desen

 

Bermherticheyt verwerf ende vercriech

 

Als het rechtveerdich oordeel daer sal strijcken,

 

Over veele onbarmhertighe rijcken

 

Dat ick dan voor den Throon der eeren niech.

 

8. Salicheydts Croon, wilt op mijn Hoofde setten,

 

Tot eenen loon, op dat ick dan mach metten

 

Grooten Schare, den Croon bewaren reyn,

 

Ende het cleet, oock suyverlijck mach sparen

+ Luc. 6, 36
16 Tes. 3, 5
Iac. 2, 13,
Apoc. 20 12,
Luc. 16, 20,
Apoc. 15 14,
Apo. 2, 26
Matt. 25, 34,
4 Esd. 2, 42.
Matt. 22, 13,

[p. 283]

 

Om vreuchdich soet, met de Hemelsche scharen ⁺

 

V Heer te loven in des Hemels pleyn.

 

9. DOCH hier toe wilt, o Heere my begaven

 

Met een lanckmoedich hert om sulcx te laven,

 

Met de Wateren der verduldicheydt

 

Ende u comst gheduerich te verwachten,

 

In een oprecht Gheloof met syne crachten

 

En 't salich wesen in ootmoedicheyt

 

10. TER tijdt ghy dan o Heere sult verschijnen

 

Met uwen cracht en voor u sal verdwijnen

 

Den quaden hoop, dat ick dan doch mach staen,

+ Apo. 7, 9
Ioa. 7, 38,
Eph. 4, 2,
2 Pet. 1, 6,
Lu. 12, 36
Iud 1, 23,
2 Pet. 3, 11,
Matt, 24, 30,
Lu 21, 25
Sap, 5, 4,

[p. 284]

 

⁺By alle vroomen, die dan sullen erven

 

Des levens Croon, en nimmermeer weer sterven

 

En soo met haer in s' Hemels vreuchde gaen.

I. S Hier na beter.

+ Mal. 4, 2,
4, Esd, 2 43,
Matt. 25, 47,