Een nieuw sangh-boeck, iuhoudende eenighe psalmen

[Gebenedijt o mijn ziel altijt den Heer]

Nae de wijse: Een aerdich Trommulaerken sonder deucht.

GEbenedijt o mijn ziel altijt den Heer, ⁺
Looft hem, o alle mijn inwendicheydt
Prijst hem met blijde lof - sanghen altijdt meer ⁺
Die u in syne weghen leyt
Door syn ghenadicheyt
Sijn beloften toeseyt.

+ Psa. 133, a, 1

+ Eph. 5, 6 19
Io. 14, 6
Ep. 2, 7, 7
Gen. 3, 8 15,

[p. 88]

 

⁺ 2. Maeckt groot, O mijn ziel den Heer uwen Godt,

 

Die u uyt Egypten tot Syon heeft gheleyt

 

Die u leydt tot Christo van Babels Herders sot,

 

In Israels groene weydt

 

Van Babels dorre heydt

 

O siel zijn lof verbreyt.

 

3. O sout ghy (O Ziel) niet loven sulcken Heer

 

⁺Die u van den doodt totten leven heeft ghebrocht

 

Die u gheleydt heeft door dat rode Meer

 

Doen ghy dwaelde, weder socht

 

Met zijnen Bloedt ghecocht

 

Doen Pharo u bevocht.

 

4. Looft onsen Godt met Mosem, O mijn ziel,

 

Die u tot syn heylighe wooninghe

+ Lu. l, c. 42
he. 12, c, 20,
Ier, 10, c 21,
Eze, 34, b 14,
Ps. 103, a 1.

+ Ioan. 5, c 24,
Ex. 14, c 22.
Luc. 15, a 4,
Exo. 14, c 23,

[p. 89]

 

heeft ghebracht

 

Die Pharo met ros ende Wagens over-viel

 

Int roy Meyr om - wierp met cracht ⁺

 

Doen hy vervolchde onsacht

 

Dat Israels gheslacht.

 

5. Mijn ziel looft den Heere al u leven lanck ⁺

 

Looft hem met herpen ende met snaren-spel

 

De heylighen in Syon loven hem met sanck

 

Oock ghy Borghers Israel

 

Want int helsche ghequel ⁺

 

Hem niemant loven sel

 

6. Looft desen God, O ghy Aerders van Syon

 

Looft hem, O syn knechten groot ende cleyn ⁺

 

Looft hem, O alle zijn handt-

+ Ios. 24, a, 6,

+ Ps. 146, a 1,
ps. 147, a, 7,
ps. 149, a, 1,

+ ps. 88, b, 11,

+ Apo. 19, a, 5,
psal. 103,

[p. 90]

 

wercken schoon

 

⁺Principael O Zyon greyn

 

Ghy zijt Gods Bruyt alleyn

 

⁺O cleyn vergad'ring reyn,

 

7. O Godt u lof is in u gemeynt alleen

 

⁺Ten is niet schoon inder sondaren mont

 

V woort is alleen in Jerusalem reen

 

V wet men in Zyon vont

 

⁺Quijtscheldinghe van sont

 

Alsmen vant quaet af-stont.

 

8. Wie soude alsulcken God niet loven vro

 

Die Daniel verlost heeft wter Leeuwen mont

 

Die met Zydrach, Misach en Abednego

 

Inden gloeyenden Oven stont

 

Dat die vlamme haer niet verslont

+ Psa. 147, b. 12,

+ 2, Co. 11 a. 4.

+ Luc. 22, d. 30,
psa. 149, a, 1,
Esa. 7, a, 3

+ Io. 1, b, 16
Eze. 18, c, 21,
Apo. 15 a, 4,
Ier. 10, a, 7
Esai. 43, a, 2,

[p. 91]

 

Gheen brant men aen haer vont.

 

9. Prijst Godt, O Jerusalem en Syon teer, ⁺

 

Die u deuren vast met grendelen bewaert,

 

Die u mueren op-bout, die daer laghen neer,

 

Die den verstroyden vergaert

 

Die om syn naem vermaert,

 

Te Babel ghevaen waert.

 

10. Looft Godt, die in syn heyligen Tempel woont,

 

Hy is een al te vriendelijcken Heer, ⁺

 

Looft hem, die syn wtvercoren croont,

 

Die haer vroom stelden ter weer,

 

Een eeuwich triumpheer,

 

Gheeft hy, die hout syn Leer.

 

11. Ghy Hemelen, ghy Aerde, God doch den prijs gheeft, ⁺

+ ps. 147, b 12,
ps. 78, g, 68,
Barn. 5, a 2,

+ ps. 106, a 1,
4, Es. 2. o 43
2, Tim. 2, a, 3,

+ Math. 19 c, 28.

[p. 92]

 

⁺Looft hem ghy Heydenen die opter aerden zijn

 

Het loove hem alle wat Adam heeft,

 

Sonne Mane, Sterren fijn

 

Lovet Godt met helder schijn,

 

⁺Dat zijn de wercken syn..

 

12. O Godt laet myn Ziel leven, datse u loven mach

 

Laet u lof van mijn lippen zijn vertelt

 

⁺Op dat ick mach staen blijven in den boosen dach,

 

Als dat Element smelt

 

Heylich moeten wy zijn ghestelt,

 

⁺Gheen onschult daer en ghelt.

 

 

 

⁺ 13. O Prince Godt, Heere alder Heeren Heer,

 

Ghebenedijt moet ghy in der eeuwicheyt zijn,

+ ps. 150, a, 6,
Dan. 3, g, 60,

+ Psa. 118, b, 17,

+ Eph, 6, b, 13,
2, Pet, 3, b 10,

+ 1, Pet, 1, b 16,

+ App. 17, b, 14,
1 Pet. 1, g, 3

[p. 93]

 

Die 't licht in duysternis laet schynen neer ⁺

 

Die waren in doodes pijn

 

Gaeft ghy dit helder schijn

 

Looft Godt, O ziele mijn.

+ Math. 4, b, 16,
Esa. 9, a, 1,