Een nieuw sangh-boeck, iuhoudende eenighe psalmen

[Laet ons den Heere loven]

Op de wijse: van den Cxxv. Psalm. Salich is hy bevonden

LAet ons den Heere loven, ⁺
Wy die hier zijn by een,
Den Grooten Godt hier boven,
Al eer wy van hier scheen,
Om syn groote genaden, ⁺
Die hy ons hier bewijst,
Als hy ons doet versaden, ⁺
Ja met syn woort oock spijst.

+ Ps. 134, 1

+ Ps: 136 25

+ Ma: 4, 4

[p. 84]

 

2. Konden wy te recht vaten,

 

Ende oock wel verstaen,

 

Hoe onse Ouders saten,

 

Met duysternis bevaen,

 

En mosten haer al lijden,

 

Met menschelijcke leer,

 

Daer wy in dese tijden.

 

Godts woort ghenieten seer.

 

⁺ 3. Laet ons doch wel betrachten,

 

Dat wy hebben ghehoort,

 

Met wercken en ghedachten,

 

Tot eer van Godes woort,

 

Anders mocht Godt verstooren,

 

End ons verwerpen snel,

 

Al gheschiet is te vooren,

 

Aen syn volck Israel.

 

4. Maer o liefste ghepresen,

 

Ghedenckt Gods liefde groot,

 

⁺Die hy ons heefe bewesen,

 

Door syns Soons bitt'ren doodt,

 

So wy sulcx doen aendachtich,

+ Ma: 7, 24

+ Mar. 15, 25,

[p. 85]

 

Wy sullen haest terstont,

 

Godt en ons naesten krachtich,

 

Dienen uyt 's herten gront.

 

5. Soo mogen wy dan hooren,

 

Comt in mijn rijcke jent, ⁺

 

Ghy die ick heb vercoren,

 

Gaet in des Hemels Tent,

 

Och wat een vreucht ghepresen,

 

Sal daer wesen bereyt,

 

Voor die den Heere vreesen,

 

Tot inder eeuwicheyt.

 

6. Vrienden eer wy hier scheyden

 

Wensch ick u voor een groet,

 

Gods gheest wil u gheleyden

 

In al u weghen goet,

 

En wilt doch niet vergeten,

 

Malcand'ren int ghebedt,

 

Waer dat ghy zijt gheseten,

 

Oorlof hier wel op let.

+ Math. 25 34,